Ozbek-Tariyx-1-70-(каракалпак). indd

Ózińizdi sınań!
GKChP — bul ...
1991-jıl 25-avgusttaǵı párman — bul ...
1990-jıl 20-iyun — bul ...
Ǵárezsizlik Deklaraciyası — bul ...
!
I. Karimov Ózbekstan 
Respublikasınıń mámleketlik 
ǵárezsizligin járiyalamaqta
Este saqlań!
«Ózbekstan Respublikasınıń Mámleketlik ǵárezsizligin járiyalaw 
haqqında»ǵı Oliy Kengash qararında: Respublikanıń mámleketlik 
ǵárezsizligi haqqındaǵı Oliy Kengash bildiriwi tastıyıqlansın 
hám respublika bunnan bılay Ózbekstan Respublikası dep atalsın; 
1-sentyabr Ózbekstan Respublikasınıń Ǵárezsizlik kúni dep belgi-
lensin hám 1991-jıldan baslap bul kún bayram hám demalıs kúni dep 
járiyalansın, dep belgilep qoyıldı.

---

8
tiykarında Ózbekstannıń huqıqıy jaǵdayı túpten ózgerdi. 17 statyadan 
ibarat bul nızam suveren Ózbekstan Respublikasınıń tiykarǵı belgilerin 
anıqlap berdi. 
Watanımız tariyxı betlerine altın háripler menen jazılatuǵın sol 
kúnlerge názer salatuǵın bolsaq, sol waqıtta jas, ǵárezsiz Ózbekstan 
húkimeti elimizdiń jámiyetlik-siyasiy, ruwxıy rawajlanıwı ushın 
sheshiwshi áhmiyetke iye bolǵan kóplegen áhmiyetli hújjetler qabıl 
etkeniniń gúwası bolamız. Mısal ushın, 5-sentyabrde tastıyıqlanǵan 
Tashkent qalasındaǵı Lenin atındaǵı maydandı Mustaqillik maydanı 
dep ataw haqqındaǵı, 6-sentyabr kúni tastıyıqlanǵan «Ózbekstan 
Respublikası Qorǵanıw isleri ministrligin dúziw haqqında»ǵı Prezident 
pármanları hám basqa áhmiyetli siyasiy hújjetler usılar qatarınan bolıp 
esaplanadı.
Óz betinshe jumıs.
Tómengi klaslarda alǵan bilimlerińizge súyenip hám qosımsha 
ádebiyatlardan paydalanıp, Mustaqillik maydanınıń búgingi kúnge 
shekem bolǵan jaǵdayları hám de wazıypaların súwretlep beriń.
Ózbekstan Respublikası Konstituciyasınıń qabıl etiliwi.
Ózbekstan 
ǵárezsizlikti qolǵa kirgizgennen keyin, tábiyiy ráwishte mámleket 
ǵárezsizligi hám suverenitetin Konstituciya tiykarında bekkemlew 
zárúrligi júzege keldi. Ózbekstannıń jańa Konstituciyasın tayarlaw 
ideyası dáslep Islam Karimov tárepinen 1990-jıldıń mart ayında alǵa 
súrildi. 1990-jıl 20-iyun kúni bolıp ótken Ózbekstan Respublikası 
Oliy Kengashiniń II sessiyasında jańa Konstituciya islep shıǵıw lazım, 
degen juwmaqqa keldi. Sessiya Ózbekstannıń Birinshi Prezidenti Islam 
Karimov basshılıǵında 64 adamnan ibarat Konstituciya joybarın tayarlaw 
boyınsha komissiya dúziw haqqında qarar qabıl etedi. Komissiya 
quramına Oliy Kengash deputatları, Qaraqalpaqstan Respublikası 
hám wálayatlar wákilleri, mámleketlik, jámáátlik shólkemleri hám 
xojalıqlardıń basshıları, alımlar, qánigeler kirgizildi.
Konstituciyalıq komissiya Ózbekstan Respublikasınıń Konstituciyasın 
jaratıw ústinde 2,5 jıl isledi. Joybardıń dáslepki variantı 1991-jıldıń 
oktyabr-noyabrine shekem tayarlap bolındı. Ol dáslep alǵı sóz, altı bólim 
hám 158 statyadan ibarat edi. Bul joybar ele tolıq emesligi sebepli, 
onıń ústinde ele de juwapkershilik hám talapshańlıq penen islew zárúr 

---

9
edi. 1992-jıldıń báhárinde bul joybardıń 149 statyadan ibarat ekinshi 
variantı islep shıǵıldı. 1992-jıldıń gúz aylarında Ózbekstan Respublikası-
nıń Konstituciyasınıń joybarı ulıwma xalıqlıq dodalawı ushın 2-márte 
baspasózde járiyalandı. Ulıwma xalıqlıq dodalaw dáwirinde 6 mıńnan 
artıq usınıs hám pikirler bildirildi.
1992-jıl 8-dekabrde XII shaqırıq Ózbekstan Respublikası Oliy 
Kengashiniń XI sessiyası boldı. Onda eldiń Tiykarǵı Nızamın qabıl etiw 
máselesi dodalandı. Sessiyada deputatlar joybarǵa 80 ge jaqın ózgeris, 
qosımsha hám anıqlıqlar kirgizdi. Sol kúni Ózbekstan Respublikası Oliy 
Kengashiniń XI sessiyası «Ózbekstan Respublikası Konstituciyasın qabıl 
etiw haqqında», «Ózbekstan Respublikasınıń Konstituciyası qabıl etilgen 
kúndi ulıwma xalıqlıq bayramı dep járiyalaw haqqında»ǵı nızamlardı 
qabıl etti.