O‘zbek poetikasi asoslari

(ar. “orttirilgan, ziyoda qilingan”). Har bir misrasidan so‘ng yana yarim misra orttiriluvchi she’r shakli. Bunda orttirilayotgan yarim misra tarkiban asosiy misraning birinchi va to‘rtinchi ruknlariga teng bo‘ladi. Mustazod uchun g‘azal asos – zamin vazifasini o‘taydi.

Mustazod vazni

Mustazod faqat hazaj bahrining hazaji musammani axrabi makfufi mahzufi mustazod (ruknlari va taqti’i: maf’ulu mafoiylu mafoiylu fauvlun maf’ulu fauvlun – – V / V – – V / V – – V / V – – / – – V / V – –) vaznida yoziladi.

Turkiy adabiyotda mustazodning ilk namunalari Hofiz Xorazmiy va Gadoiy ijodida uchraydi. Hofiz Xorazmiy devonida har biri 7 baytdan iborat ikki mustazod, Gadoiy devonida esa besh baytli bir mustazod mavjud.