O’zbek mumtoz va milliy uyg’onish adadiyoti tarixi

ANNOTATSIYA
Keyingi yillarda o'zbek adabiyoti tarixi bo’yicha muammolar, adabiy-madaniy muhit haqidagi qarashlar va ularga munosabat, o'zbek mumtoz adabiyotiga kirish, mumtoz poetika, tarixiy-adabiy jarayonning taraqqiyot qonuniyatlari va ijtimoiy muhit bilan bog'liqligi, davr ijodkorlarining hayoti va ijodiy faoliyati bilan bog'liq masalalar chuqur o’rganib kelindi va, aytish mumkinki, bugungi kunda ushbu sohada diqqatga sazovor bir qancha ishlar yuzaga keldi. O'zbekiston Respublikasi Prezidentining 2016-yil 13-maydagi №PF-4797 Farmonida aks etganidek, o'zbek tili va adabiyoti qadimiy va boy tarixga ega bo'lib, uning shakllanishida miloddan oldingi va miloddan keyingi dastlabki asrlarda mintaqamiz hududida yashagan baqtriylar, so'g'diylar, xorazmiylar va boshqa elat va millatlar o'z ta'sirini ko'rsatgani haqida mavjud ilmiy manbalar dalolat beradi. Bu borada Mahmud Koshg'ariy, Yusuf Xos Hojib, Ahmad Yugnakiy, Atoiy, Sakkokiy, Lutfiy kabi ilmu fan va adabiyot namoyandalarining xizmati va qoldirgan merosi muhim o'rin egallaganini qayd etish joiz. O'zbek adabiy tili ayniqsa XIV-XV asrlarda – Amir Temur va temuriylar davrida rivojlanishning yangi, yuksak bosqichiga ko'tarildi. Shu ma'noda farmon ushbu soha vakillarining oldiga “zamonaviy ta'lim texnologiyalarini chuqur o‘zlashtirgan, davr talablariga javob beradigan yuksak malakali ilmiy va pedagog kadrlar tayyorlash, umumta'lim maktablari, akademik litsey va kasb-hunar kollejlari, oliy ta'lim muassasalarida o‘zbek tili va adabiyoti fanini o‘qitishning yangi va samarali metodlari bo‘yicha ilmiy izlanishlar olib borish, ilg‘or pedagogik texnologiyalarni keng joriy etish” borasida yanada ulkan vazifalarni qo‘ydi.
Ushbu o‘quv-uslubiy majmua “O’zbek adabiyoti tarixi” fani bo‘yicha yaratilgan bo‘lib, unda mazkur fanning o‘quv dasturi, ishchi dasturi, ma`ruza mashg`ulotlarining ta`lim texnologiyasi, seminar va amaliy mashg`ulotlarning ta`lim texnologiyasi jamlangan.
Mazkur axborot texnologiyali dars ishlanmalari O‘zbek filologiyasi ta`lim yo‘nalishi uchun tasdiqlangan “O’zbek adabiyoti tarixi” dasturi asosida tayyorlandi. Unda “O’zbek adabiyoti tarixi” fani bo‘yicha ma`ruzalar matni, seminar va amaliy mashg`ulotlar mavzulari va mazmuni, topshiriqlar, joriy, oraliq va yakuniy nazoratlarga mo‘ljallangan savolnomalar, yozma ish va test variantlari, reyting jadvali, talabaning bilimini baholash mezonlari ham berildi.
Mazkur dars ishlanmalari talabaning ma`ruza, seminar va amaliy mashg`ulotlar materiallari ustida mustaqil ish olib borishiga imkoniyat yaratadi, ayni paytda talabaning o‘z bilimini o‘zi nazorat qila olishiga ham yordam beradi.
Tuzuvchi:

I.Sulaymonov - Mumtoz adabiyot tarixi kafedrasi dotsenti, f.f.d.

Taqrizchilar:

Tohirov S - Mumtoz adabiyot tarixi kafedrasi dotsenti, f.f.n.

Nosirov A - Istiqlol davri adabiyoti va adabiyot nazariyasi kafedrasi dotsenti, f.f.d.

O`quv – uslubiy majmua Mumtoz adabiyot tarixi kafedrasi kafedrasining 2021-yil 25-maydagi 9-sonli yig’ilishida muhokama qilingan va o’quv jarayonida foydalanish uchun tavsiya qilingan.

SAMARQAND-2021

ТN 2	Eng qadimgi og’zaki va yozma adabiy yodgorliklar, mif, afsona, asotir, rivoyat kabi janrlarning jаmiyat, millаt vа shахs rivоjidаgi аhаmiyatini tushunadilar.
ТN 3	XI-XIV asrlarda yashagan qoraxoniylar, M.Koshg’ariy, Yusuf Xos Hojib, Ahmad Yugnakiy, Ahmad Yassaviylar haqida atroflicha ma'lumotlarga ega bo'ladilar.