O’zbek filologiyasi kafedrasi jo’raeva gulrux alisherovna ulug’bek hamdam romanlarida ma’naviy-axloqiy muammolarning badiiy talqini

BMIning maqsad va vazifalari. Mazkur ishdan ko’zda tutilgan asosiy maqsad – iste’dodli hamda mahoratli yozuvchi Ulug’bek Hamdam romanlarida Istiqlol davrida ma’naviy-axloqiy qadriyatlarga munosabat va yangi davr kishisining ruhiy olami muammosi romanik talqinini ilmiy o’rganishdan iboratdir. Bu maqsadni amalga oshirish uchun quyidagi vazifalar hal etiladi:
- istiqlol davri o’zbek romanchiligining asosiy xussiyatlarini belgilash;
- adabiy jarayonda Ulug’bek Hamdamning romannavis sifatigai o’rnini tayin etish;
- Ulug’bek Hamdamning qisqacha ijodiy biografiyasini berish;
- adibning ilk romani – “Muvozanat”da yangi shaxsning ma’naviy-axloqiy dunyosi shakllanishida moddiyat va ma’naviyat muvozanati muammosining badiiy talqin qilinishini tadqiq etish;
- “Isyon va itoat” romanida, “Muvozanat”dan farqli o’laroq, yangi davr kishisi bo’lmish Akbar misolida insonning ruhiy mukammallikka intilish yo’lidagi izlanish va iztiroblari, topish va yo’qotishlari masalasining romanik talqinini ilmiy o’rganish;
- “Sabo va Samandar” romani misolida shaxs hayotida muhabbatning ma’naviy-axloqiy kategoriya sifatidagi o’rnini tahlil etish;
- uch romanida inson ma’naviy-axloqiy dunyosinining uch qirrasini o’ziga xos talqin qilgan iste’dodli yozuvchi Ulug’bek Hamdam romanlarining tarbiyaviy-estetik jihatlari xususida konkret xulosalar bayon qilish.