Oz tilim – o‘zbek tilim

---

O‘Z TILIM 
– 
O‘ZBEK TILIM 
 
 
 
 
 
T O S H K E N T – 2 0 1 0    
 
 
Ushbu  qo‘llanma  o‘zbek  tiliga  oid  bilimlarini,  imlo  va  savodxonlikka  oid 
ko‘nikma  va  malakalarini  mustaqil  tarzda  rivojlantirish,  takomillashtirishni  niyat 
qilgan tildosh va dildoshlarimizga mo‘ljallangan. 
  Kitobning  qiziqarliligini  ta’minlash  uchun  undagi  matn  va  materiallarning 
rang-barangligiga e’tibor berildi. 
 Kitobdan  o‘zbek  tilining  barcha  muxlislari,  umumiy  o‘rta  ta’lim  maktablari, 
akademik  litseylar,  kasb-hunar  kollejlarining  o‘quvchilari,  oliy  o‘quv  yurtlarining 
talabalari,  shuningdek,  o‘qituvchi  va  murabbiylar  foydalanishlari  mumkin. 
Metodik qo‘llanmani yozishda: 
 “O‘zbek tilining asosiy imlo qoidalari” (Sh.Rahmatullayev), “O‘zbek tilining 
imlo lug‘ati” (Sh.Rahmatullayev va A.Hojiyev), “O‘zbek tilining yangi alifbosi va 
imlosi”,  “Yozuv tarixidan qisqacha lug‘at”;  (N.Mahmudov),  “O‘zbek tili 
ma’lumotnomasi” (A.Aliyev, K.Nazarov), “O‘zbek tilining izohli lug‘ati” 
(S.Akobirov, T.Aliqulov va boshqalar),  “Hamrohim” (Y.Abdullayev), “O‘zbek 
xalq  maqollari”, yangi  o‘zbek alifbosi kursi uchun tuzilgan dasturlar va metodik 
qo‘llanmalardan foydalanildi.   
 
 
 
 
Mas’ul muharrir:   
Filologiya fanlari nomzodi N.Mahkamov 
Taqrizchilar:  
Filologiya fanlari doktori, professor  M. Yo‘ldoshev 
Pedagogika fanlari  nomzodi, dotsent  R. Jomonov.  
 
 
 
 
        Mazkur  o‘quv  qo‘llanmasi  Nizomiy  nomidagi  TDPU  Ilmiy  kengashida 
muhokama qilingan va nashrga tavsiya etilgan. 
 
 
 

---

 
2 
 
 
 
 
    
 
B. To‘xliyev, O. Ametova, 
D. To‘xliyeva 
 
 
O‘Z TILIM      –  
O‘ZBEK TILIM 
 
(mustaqil o‘rganuvchilar uchun) 
 
 
 
 
 
 
 
 
 
 
 
                                T o sh ke n t  –  2010 
               O‘ZBEKISTON RESPUBLIKASI DAVLAT MADHIYASI 
Madhiya  –  «madh»,«maqtov» so‘zidan kelib chiqqan. Madhiya  –  gimn o‘z 
mustaqilligiga ega bo‘lgan, rivojlangan har bir mamlakatning alomati  ramzi. 
Madhiya tarixi qadim zamonlarga borib taqaladi. Diniy, jangovar mazmunga ega 
bo‘lgan madhiyalar ma’lum. 
O‘zbekiston Respublikasining Davlat madhiyasi (matni va musiqasi) 
tanlovida so‘zini shoir Abdulla Oripov, musiqasini bastakor Mutal (Mutavakkil) 
Burhonov yozgan madhiya g‘olib chiqdi va o‘n ikkinchi chaqiriq O‘zbekiston 

---

 
3 
Respublikasi Oliy Kengashining XI sessiyasi (1992-yil 10-dekabr)da O‘zbekiston 
Respublikasining Davlat Madhiyasi sifatida tasdiqlandi. 
O‘zbekiston Respublikasining Davlat Madhiyasi tantanali damlarda ijro 
etiladi. 
 
O‘ZBEKISTON RESPUBLIKASINING 
             DAVLAT MADHIYASI 
 
Serquyosh, hur o‘lkam, elga baxt, najot,  
Sen o‘zing do‘stlarga yo‘ldosh, mehribon!  
Yashnagay to abad ilm-u fan, ijod,  
Shuhrating porlasin toki bor jahon! 
 
Naqarot: 
 
Oltin bu vodiylar – jon O‘zbekiston,  
Ajdodlar mardona ruhi senga yor!  
Ulug‘ xalq qudrati jo‘sh urgan zamon, 
 Olamni mahliyo aylagan diyor! 
 
Bag‘ri keng o‘zbekning o‘chmas iymoni,  
Erkin, yosh avlodlar senga zo‘r qanot!  
Istiqlol mash’ali, tinchlik posboni,  
Haqsevar, ona yurt, mangu bo‘l obod! 
 
Naqarot: 
 
Oltin bu vodiylar – jon O‘zbekiston,  
Ajdodlar mardona ruhi senga yor!  
Ulug‘ xalq qudrati jo‘sh urgan zamon, 
 Olamni mahliyo aylagan diyor! 
 
 
 
 
 
 
 
 
 
 
 
 

---

 
4 
KIRISH