Oyshirinning orzusi

Oyshirinning orzusi
Oyshirin aqlli va odobli qiz.U maktabga borishi bilan a’lo baholarga o’qiy boshladi.Kunlardan bir kun sinf rahbari ulardan kelajakda kim bo’lishlari haqida so’rab chiqdi.Kimdir quruvchi,kimdir muhandis,yana kimdir esa jurnalist bo’lishini aytib o’tdi.Oyshirinning navbati yetib kelganda esa u hali o’ylab ko’rmaganini,bir kasbni tanlashga juda qiynalayotganini aytdi.Buni eshitgan sinfdoshlari o’z-o’zidan uning ustidan kulishdi.Chunki hatto do’stlarining kichik uka-singillari ham bir kasbni tanlab bu mening kasbim deb yurishardida.Bugun hammaga kulgu bo’lganini, chindan ham hali bir kasbni tanlayolmayotganini o’ylab kelayotgan Oyshirin hayollar og’ushida uyining yonida bir mashina turganini ko’rdi.Yaqinroqdan qarasa bu tez yordam mashinasi ekan.Darhol kapalagi uchib uyga shoshib kirib ketdi.Qarasa uyda oppoq xalat kiygan shifokor onasiga qarayotgan ekan.Shifokor darrov onasini ko’rib, tezda davoladi.Shu chog’da shifokor Oyshirinning hayolida farishta bo’lib ko’rindi.Shundan so’ng,u ham kelajakda shifokor bo’lishga ahd qildi.”Bo’ldi endi menda ham sevimli kasbim bor.Men kelajakda-shifokor bo’laman.Men ham barcha onalarni davolayman”dedi o’ziga.

Hamid Olimjon va Zulfiya nomidagi Prezident ijod maktabining 9-sinf o'quvchisi Abdurasulova Sevinch