O’tibdo’ Sana 09 «Ona tili» 7-sinflar uchun 6-Sinfda o'tilganlarni takrorlash

Asos qismning aynan takrorlanishidan yoki ayrim tovush o’zgarishi bilan takrorlanishidan hosil bo’lgan taqlid so’zlar takror taqlid so’zlar sanaladi. Masalan, gumbur-gumbur, gurs- gurs, chars-churs, taq-tuq, yarq-yurq.
Takror taqlid so’zlar qismlari chiziqcha bilan ajratib yoziladi.


273-mashq. Taqlid so’zlarni toping va ma’nosini izohlang.
1. Yetti qaroqchi yulduzi tik kelganda g’o’ng’ir-g’o’ng’ir ovozdan j uyg’onib ketdim. (G’afur G’ulom) 2. Jigarim otashga tegardi jiz-jiz. Sochlarim oqargan shunda ehtimol. (S. Zunnunova) 3. Shunday bo’lsa ham, vujudini tutgan qalt-qalt titroqni bosib hazilomuz qichqirdi. (O. Yoqubov) 4. Allakim ship-ship qadam bosib, ayvon labiga kelayotganday bo’lardi. (O’. Hoshimov)


275-mashq. Uyga vazifa. Gaplarni ko’chiring. Taqlid so’zlarni aniqlang. Ularning ma’no va tuzilishiga ko’ra turini ayting.
1. Qo’qqisdan o’rmon kaptarlari g’uv-g’uvlab qolishibdi: g’uv, g’uv, g’uv. (X. Andersen) 2. Yum-yumaloq qosqonim Baka-baka-bum. Bo’ynimda mis marjonim Baka-baka-bum. (A. Obidjon) 3. Dildorning yuragi duk-duk urardi. (SaidAhmad) 4. Apil-tapil chaynadi u, Loy ekan, vuy, tfu, tfu. (H. Rahmat) 5. Sayroqilik qaytadan boshlandi: Va-vaq, va-vaq, bit-bil-diq, bit-bil-diq. (M. A‘zam) 6. Paq-puq, otdim, yiqil, - deb, Dushman tan olmas: - o’qing Qiyshiq ketdi, — deb nuqul. (H. Imonberdiyev)


IV. Yangi mavzuni mustahkamlash: Og’zaki savol-javob.
1. Yordamchi so’zlar deb nimaga aytiladi
2. Sof va vazifadosh bog’lovchilar deb nimaga aytiladi?
3. Taqlid so’zlar deb nimaga aytiladi?
4. His hayajon undovlari deb nimaga aytiladi?
5. Yuklamalar deb nimaga aytiladi?
6. Sof va vazifadosh yuklamalar deb nimaga aytiladi?
7. Undov so’zlar deb nimaga aytiladi?
V. Uyga vazifa.
VI. Dars yakuni. Baholarni tahlil qilish.
O’quv-tarbiya ishlari bo’yicha
direktor o’rinbosari: ________________________