Ota-onalar Universiteti to`g`risida nizom xtvning 2005 yil 22 oktabrdagi 262-sonli buyrug`iga ilova. Nizom I. Umumiy qoidalar Barcha turdagi ta’lim muassasalarida O`zbekiston Respublikasi «Ta’lim to`g`risida»

Ota-onalar Universiteti to`g`risida nizom

XTVning 2005 yil 22 oktabrdagi 262-sonli buyrug`iga ilova.

Nizom
I. Umumiy qoidalar
Barcha turdagi ta’lim muassasalarida O`zbekiston Respublikasi «Ta’lim to`g`risida»gi qonuni, «Kadrlar tayyorlash milliy dasturi», 2004-2009 yillarda maktab ta’limini rivojlantirish Davlat umummilliy dasturi va ta’­limga oid boshqa me’yoriy hujjatlar asaosida yosh avlod ta’lim va tarbiyasini zamonaviy talablar darajasida tashkil etish bo`yicha ota-onalar bilan hamkorlikni yanada takomillashtirish, ular o`rtasida pedagogik bilimlarni keng targ`ib-tashviq etish maqsadida ta’lim muassasasida Ota-onalar Universiteti tashkil etiladi.

Ota-onalar universiteti o`z faoliyatida ta’lim tizimida amalga oshirilayotgan islohotlar, ta’lim tizimini takomillashtirishga yo`naltirilgan hukumat qaror­lari, Xalq ta’limi vazirligining qaror, buyruq va tadbirlarining mazmunini ota-onalar o`rtasida keng targ`ibot-tashviqot qiladi.

Ota-onalar universiteti ma’naviy-ma’rifiy, ijtimoiy-iqtisodiy, pedagogik-psixologik, huquqiy bilim asoslari, sog`lom avlodni tarbiyalash kabi yo`nalishlarda ish olib boradi.