Основные понятия об измерениях и измерительных приборах

Кучни компенсациялашга асосланган пневматик сигнал ўзгартиргичлар
Пропорционал кучга айлантирилган ўлчанаётган параметр, ричаг 1 ни силжитиб, заслонка 2 ни соплога 3 нисбатан силжитади (расм 56) ва бунда сопло ва заслонка орасидаги масофа ∆х ўзгаради.
Сопло ва заслонка орасидаги масофани ўзгариши икки дроссел орасидаги (хусусан камера “а” да) босимни ўзгаришига сабаб бўлади. Натижада 8 ва 9 мембраналар эгилиб, киритиш ва чиқариш клапанлари холатига таъсир кўрсатади. Бу эса ўз навбатида «б» ва «в» камералардаги босимларни ҳам ўзгаришига сабаб бўлади. Бу ўзгариш, акс таъсир сильфони 4 таъсирида заслонка 2 холатини ўзгартиради ва у сопло 3 га нисбатан шундай холатни эгаллайдики, бунда акс таъсир силфонида ҳосил бўлаётган куч, F кучга тенг бўлиб, уни компенсациялайди.
Сигнал ўзгартиргични керакли диапазонга созлаш учун сильфонни ричаг 5 бўйича силжитилади. Чиқиш сигналининг бошланғич қийматини аниқ созлаш учун пружина 6 дан фойдаланилади. Сигнал ўзгартиргич ёрдамида пневматик сигнални 300м гача масофага узатиш мумкин.



Расм.56.
1, 5 - рычаглар; 2, 3 - заслонка, сопло; 4 - сильфон; 6 - пружина; 7 – ўзгармас дроссел; 8, 9 - мембраны; 10 - киритиш клапани; 11 - чиқариш клапани;


Электропневматик ва пневмоэлектрик сигнал ўзгартиргичлар
Автоматик назорат қилиш, ростлаш ва бошқариш тизимларида токли электр сигналларни пневматик сигналларга айлантиришда электропневматик сигнал ўзгартиргичлар ва пневматик сигналларни аналогли токли сигналларга айлантиришда пневмоэлектрик сигнал ўзгартиргичлардан фойдаланилади.


Электропневматик сигнал ўзгартиргичлар
Мисол тариқасида кичик габаритли ЭПП-М электропневматик сигнал ўзгартиргични кўриб чиқамиз. Ушбу сигнал ўзгартиргич 0—5 мА чегарада ўзгарувчи ўзгармас токли электр сигналини пропорционал равишда унификацияланган пневматик сигналга (0,2—1 кгс/см2; 0,02—0,1 МПа) айлантиришга мўлжалланган.
Электропневматик сигнал ўзгартиргичнинг принципиал чизмаси 57-расмда келтирилган. Кириш қурилмаси сифатида магнитоэлектрик куч механизмидан фойдаланилган. У, ўзгармас магнит 1, магнит ўтказгич 2 ва таянч нуқтаси мавжуд бўлган ричаг 4 га ўрнатилган рамка 3 дан ташкил топган. Четлашиш индикатори сифатида сопло 6 ва шарик 7 дан фойдаланилади. Акс таъсир қурилмаси 8, сопло-шарик куч элементи кўринишида ифодаланган. Сопло поршенга ўхшаб ишлайди. Пневматик кучайтиргич 9, расмда кўрсатилганидек уланади.

Расм 57
Акс таъсир куч элементини ричаг 4 бўйлаб силжитиб, сигнал ўзгартиргич диапазанини 50% гача қайта созлаш мумкин. Ўзгартириш диапазонининг бошланғич қиймати, кириш қийматининг нолга тенг бўлган холатида, нолга созлаш пружинаси 10 ёрдамида созланади. ЭПП-М электропневматик сигнал ўзгартиргичнинг аниқлик синфи 0,6.