Қосимова Наргиза Дилмуродовна Ўсмирлар ижтимоийлашувида ибрат ижтимоий психологик хусусиятларининг аҳамияти

Муаммонинг 
ўрганилганлик 
даражаси. 
Ҳозиргача 
соҳа
мутахассисларидан кўпчилиги ўсмир психологияси муаммоларининг қатор 
қирраларини ўрганганлар. Ўсмирлик даврининг мураккабликлари муаммоси 
жаҳон ижтимоий психология фанида, хусусан Ғарб ва Россияда О.Брим, 
Р.Борис, Б.Бергсон, Л.С.Виготский, П.Л. Гальперин,Д.Р. Келли, И.С. Кон, 
А.Н. Леонтьев, Дж.Г.Мид, А.С.Макаренко, А.В.Мудрик, Д.Мунди, 
Т.Парсонс, Ж.Пиаже, Б.Д.Парыгин, С.Л.Рубинштейн, Б.Скиннер, Г.Салливан, 
Г.Уолтер, Шомбар де Лов ва бошқаларнинг илмий тадқиқотларида 
ёритилган. Шунингдек, ижтимоийлашув муаммоси В.Бехтерев, Л.Карсавин, 
П.Каптерёв, Н.Михайловский, Г.Плеханов, Г.Андреева, Ч.Х.Кули, Д.Локк, 
Т.Парсонс, Ж.Ж.Руссо, Б.Спиноза, Ж.П.Сартр, Г.Тард, Б.Франклин каби 
хориж олимлари томонидан ҳам муайян даражада ўрганилган.
Булардан 
ташқари,ижтимоийлашув 
даврида 
бола 
хулқининг 
шаклланишига таъсир этувчи омилларни аниқлаш масаласи Россиялик
олимлар Б.Ананьев, М.Архангельский, Л.Буева, О.Иванов ва И.Конлар 
томонидан олиб борилган изланишларнинг предмети бўлган.
Ўзбекистонда оила ва ундаги ўзаро муносабатларга алоҳида қадрият 
сифатида қаралиши бу борада юртимизгагина хос бўлган маълум 
хусусиятлар борлигини далиллайди. Шу боис, мавжуд муаммони ҳудудий ва 
этнопсихологик хусусиятларни инобатга олган ҳолда ўрганиш зарур. 
Шахснинг психологик хусусиятлари ва ижтимоийлашуви ҳар бир даврда 
турлича бўлиши мамлакатимиз олимларидан М.Г.Давлетшин, Э.Ғ.Ғозиев, 
Ғ.Б.Шоумаров, Р.И.Суннатова, В.Н.Каримова, Н.С.Сафаев, Г.Қ.Тўлаганова, 
А.Т.Кадирова, Н.М.Муллабоева ва бошқаларнинг тадқиқотларида ҳам 
маҳаллий шарт-шароитлар нуқтаи назаридан қисман ўрганилган. Лекин 
мазкур ишларда ўсмирлар ижтимоийлашувида оиладан ташқари ибрат 
объекти бўлмиш бошқа омиллар, яъни қариндошлар, оммавий ахборот 
воситалари, тенгдошлар, спортчилар, актёрлар, таниш-билишларнинг
таъсири алоҳида тадқиқот предмети сифатида ўрганилмаган.