O’simliklarning ekologiyasi va geografiyasi Reja: I. Kirish II. Asosiy qism

O’simliklarning ekologiyasi va geografiyasi

Reja:

I. Kirish
II. Asosiy qism

1. 
   O’simliklar ekologiyasi
   
2. 
   O’simliklarning ekologik guruhlari va hayotiy shakllari
   
3. 
   O’zbekistonning o'simliklar geografiyasi.
   

III. Xulosa
IV. Foydalanilgan adabiyotlar

I. Kirish

Jahon aholisini tabora ko'payib borayotgani biologiya fanlari oldiga yangi vazifalarni qo'ymoqda. Bu vazifalar qatorida biosfyeraning biologik mahsuldorligi imkoniyatlari haqidagi masala eng dolzarb bo'lib kelmoqda. Tabiatni muhofaza qilishning qat'iy me'yoriy tadbirlarini belgilash va ularga amal qilgan holda biosfyeraning biologik mahsuldorligini oshirishga qaratilgan tadqiqotlar va tadbirlarni keng joriy etish yangi asrimizning muhim vazifalaridan biri hisoblanadi. Ma'lumki, biosfyera o'z maromida ishlab turadigan bo'lsa, insoniyatning oziq-ovqat va qimmatbaho organik xom ashyo bilan ta'minlabgina qolmay balki atmosfyeraning gaz tarkibini, tabiiy suvlarni va yerda suv aylanish jarayonini ham muvozanat holatida saqlab byeradi. Agar Yerda o'simliklar qoplamini o'rtacha qalinligini oshirsa, Yerning biologik hosildorligi 2-3 baravar ko'payishi mumkin. Tabiatni, odamning yashash muhitini o'rganish va shu asosida halq ho'jaligini boshqarishning samarali usullarini joriy etish, biologik tadqiqotlar muhim amaliy-iqtisodiy ahamiyatlidir.
O'simliklar qoplamini o'rganish botanikaning alohida bir sohasi bo'lib, uning fan sifatidagi o'rganish predmeti - alohida olingan hudud yoki butun Yer yuzasidagi o'simlik jamoalari, fitotsenoz (nabotot) va uning tarkibiy qismlari, ularning tarqalishi, nomlanishi, ulardan samarali foydalanish yo'llarini topish hisoblanadi. Maqsad, vazifasi: o'simlik qoplamining kelib chiqishi, tarixiy rivojlanish qonuniyatlarini aniqlash va ulardan nazariy-amaliy maqsadlarda foydalanish.
Florashunoslik, geobotanika va fitotsenologiya fanlarining barcha o'rganish usullari (metodlari) o'simliklar qoplami fanining metodlari hisoblanadi. Shuningdek bu fanning ham o'zining qator xususiy metodlari mavjud. Ular ayerokosmik tadqiqotlar, geobotanik haritalash, statsionar kuzatishlar va xokazo.
O'simliklar qoplamini o'rganish sohasidagi nazariy va amaliy tadqiqotlar flora va geobotanika bilan bir qatorda sanoat botanikasi, amaliy va iqtisodiy botanika, o'simliklar muhofazasi va tabiatni qo'riqlash, shuningdek o'lkashunoslik, agroiqtisodiyot, astronologik, tibbiy biologiya kabi yangi soha va yo'nalishlar rivojlanishiga yordam byermoqda.