O’rta maxsus ta’lim vazirligi

Koordinator – savdo sohasida buyurtmachi va ishlab chiqaruvchini yuklarni etkazib berish bo’yicha kelishtirish, yuklarni etkazilishini nazorat qilish va yuklarni etkazilishi bo’yicha moliyaviy hisobotlarni yuritish bilan shug’ullanadi.
Kopirayter –reklama sohasida ijodiy faoliyat bilan shug’ullanuvchi shaxs.
Logist – bojxona va transport bo’yicha menedjer. Logist yuk jo’natuvchi va yuk tashuvchilar bilan ish olib borib, tovarlar etkazib berilishini tashkillash, boshqarish va nazorat bilan shug’ullanadi.
Marketolog (ing. – market – bozor) –hozirgi kunda eng ko’p talab etilayotgan kasblardan biri bo’lib, bozorni o’rganish, taxlil qilish, mahsulot va hizmatlarga bo’lgan talablarni aniqlash va shakllantirish bilan shug’ullanadi.
Menedjer (ing. – manager – boshqaruvchi). Tashkilot xodimlari faoliyatini tashkil etish, koordinasiya qilish, baholash va muvofiqlashtirish ishlari bilan shug’ullanadi. Bundan tashqari xizmatchilar o’rtasida ish taqsimoti, ularni o’qitish, malakasini oshirish, tushuntirish, rahbariyat va ishchi-xodilar o’rtasida vositachilik vazifalarini ham bajaradi.
Merchandayzer – savdo shahobchalarida mahsulotlarni joylashtirish, ularni “ko’z-ko’z” qilish, ularni reklamasi va narhlarini nazorati bilan shug’ullanuvchi shaxs.
Nanotexnolog (grekcha -nanos-mitti) — molekula va atomlar darajasidagi materiallarni o’rganuvchi va bu komponentlar asosida nano o’lchamli ob’ektlar yaratuvchi mutaxassis, olim.
Rieltor (ing. – real – ko’chmas (mulk)) – Kommersantlik yoki uy-joy ko’chmas mulki savdo-sotig’i va ijaraga berish ishlarida vositachilik qiluvchi shaxs yoki firma.
Seylzmen (ing. – salesman – sotuvchi) – korxona yoki firma mahsulotlarni bevosita sotish bilan shug’ullanuvchi shaxs. Seylzmen o’z savdolarini to’g’ridan-to’g’ri jamoat joylarida amalga oshiradi.
Jamoatchi mutaxassis –ishlab chiqarish va savdo sohasida, tovarlar va hizmatlar bo’yicha axborot yig’uvchi, ommaviy axborot vositalari bilan ish olib boruvchi, jamoatchilik bilan aloqa olib boruvchi shaxs.