O’rta maxsus ta’lim vazirligi Guliston davlat universiteti Fizika-matematika fakulteti

Adabiyotlar taxlili: Ko’pgina adabiyotlarni o’qib o’rganish va taxlil qilish natijasi shuni ko’rsatadiki, tarmoq tizimlari va ularning imkoniyatlari, ularni sozlash, boshqarish usullari, tarmoq operatsion tizimlarini taqqoslash va taxlil qilishga ajratilgan mavzularning foydalanuvchilar tomonidan o’zlashtirilishi bir muncha qiyinchiliklar tug’dirmoqda. Jumladan, kutubxonalarda kerakli adabiyotlarning kamligi, ba’zilarining esa mavjud emasligi, Internetdagi ma’lumotlarning deyarli asosiy qismi rus va ingliz tillarida ekanligi, bu tillarni ko’pchilik bilmasligi oqibatida bu narsalarni o’zlashtirishlari yaxshi natijalar bermayotganligidadir. [3,5,8,9,10,11,12]

Bu o’rinda kompyuter texnologiyalarini tadbiq etish hamda ulardan to’laqonli foydalana olish, tarmoq operatsion tizim imkoniyatlarni solishtirish va taxlil qilish, ularni sozlay olish va boshqara olish muhim masalalardan biri sanaladi. Shu sababli bitiruv malakaviy ishimiz mavzusi « Server kompyuter dasturiy ta’minotlari va undan foydalanish» deb nomlanishiga asos bo’ldi.

Shuningdek Internet texnologiyalari, aloqa va telekommunikatsiya tizimlari yuqori suratlarda rivojlanib borayotganligi va unlarda ishlash uchun tarmoq operatsion tizimlarini sozlash, axborotlarni boshqarish, tarmoq to’rlarini boshqarish, yangi texnologiyalardan foydalanish bo’yicha o’zbek tilida yozilgan adabiyotlarning juda ham kamligi va bunday ma’lumotlarga bo’lgan talablarning ortib borayotganligi hisobga olsak, tanlagan BMI mavzumizni bugungi kunning dolzarb muammolaridan biri deb hisoblardik.

Biz bu bitiruv malakaviy ishda asosan Internet tizimidan olingan ma’lumotlardan foydalanishga xarakat qildik.[17-30]