O‘rтa maxsus, kasb-hunar тa’limi markazi

1-guruh 2-guruh
Kulol ko‘zalarga mehr Kulol ko‘zalarga mehr bilan jilo,
bilan jilo berdi. ishlov berdi, ularga go‘zallik baxsh
etdi.


126-mashq. O‘zbekiston Qahramoni Erkin Alimu­ham­­medov nutqini o‘qing. Undan xulosa chiqaring. Uyushiq bo‘lakli gaplarni daftaringizga ko‘chirib yozing. Qanday bo‘laklar uyushib kelganini ayting.

Bugungi kunda milliy g‘urur tuyg‘usi haqida ko‘p gapiriladi. Menimcha, bu oddiy, jo‘ngina tuyg‘u emas. Yo‘q. U juda yorug‘, juda ulkan tuyg‘u! Axir o‘z yurting bilan, o‘z millating bilan faxr­lanib yashash qanchalik soz! Ayniqsa bugun... «Men o‘zbek­man! O‘zbek degan so‘z bugun dunyo bo‘ylab jaranglayapti! O‘zbek millatiga dunyo tan berayapti. Biz ildizlari mustahkam va yengilmas xalqmiz!» degan fikrlarni xayolimdan o‘tkazsam bormi, o‘sha lahza­dayoq qayta shijoat uyg‘onadi, yuksaklarga parvoz qilgim kelaveradi. Ochig‘ini aytsam, men istiqlol yillarining qahramo­niman, chunki istiqlol o‘zligimni tanitdi, uzoq yillik mehnatim shu davrda munosib taqdirlandi. Buning uchun quvonmay bo‘la­dimi?

Goho xayolimdan o‘tkazaman:
«Qaniydi zavodga borib yana ishlasam, o‘zgacha shijoat-u g‘ay­rat bilan ter to‘kib mehnat qilsam!». Zero, u yerdagi ahil jamoa to‘x­tab turgani yo‘q. Yaratuvchilik ishlari olib borilayotir. Ulkan yuk samolyotlarining qanotlari yig‘iladigan men ishlagan sexda yangilik va tashabbuslar bilan chiqayotganlar ko‘p. Тez-tez korxo­nam­ga borib shogirdlarimga yo‘l-yo‘riqlar berib turaman, ularning ish rejalari bilan qiziqaman. Uyda esa rafiqam Feruzaxon, uch farzandim, nabiralar qurshovida osuda hayot kechirayapman. Bugungi yoshlarimizdan birgina o‘tinchim bor. Ularga «Siz yonib ishlang, o‘z mehnatingiz tufayli Vatan mustaqilligini mustah­kamlashga hissa qo‘shayot­ganingizdan faxrlaning!» degim keladi.


127-mashq. Yuqoridagi mashqdan xulosa chiqarib, berilgan rasm asosida «Mehnatim — baxtim mening» mavzusida og‘zaki hikoya tuzing.