Orqali bartaraf etish

2.Adabiyotlar sharhi. 

Islomiy  banklarning  operatsion  faoliyati  davlat  va  jismoniy  shaxslar,  moliyaviy 

muassasalar,  iqtisodiyotning  real  sektori  subyektlari  o’rtasidagi  vositachilik  tamoyiliga 

asoslangan.  Zamonaviy  banklar  singari  islomiy  banklar  ham  passiv  va  aktiv  amaliyotlarni 

amalga  oshirish  vositasida  pul  mablag’larini  jalb  etish  va  joylashtirishni  nazarda  tutadi 

(Baydaulet, 2019). 

Islomiy bankingda banklar va ular omonatchilarining foydasi turli loyihalarga kiritilgan 

mablag’lar  hisobiga  voqelikdagi  tovar  va  xizmatlarni  yaratuvchi  tadbirkorlik  faoliyati 

jarayonida shakllanadi (Hassan, 2011). 

Kapital  faqat  savdo  va  ishlab  chiqarish  maqsadlariga  ishlaydi.  Depozit  mahsulotlari 

passiv  amaliyotlarning  asosini  tashkil  etadi  va  ular  bank  tomonidan  bir  qancha  aktiv 

moliyalashtirish  mahsulotlari  yordamida  smarali  investitsion  loyihalarga  yo’naltiriladi. 

Faoliyat  jarayonida  har  ikki  tomon-  bank  ham,  mijoz  ham,  shartnomaga  ko’ra  loyihadan 

keladigan  foyda  va  zararni  taqsimlab  oladilar  va  shunga  muvofiq,  foyda  olish  uchun  sa’y-

harakat qiladilar (

Gilmanov, 2008). 

Jamg’arma  banki  sifatida  xizmat  ko’rsatuvchi  bank  ushbu  mablag’larni  keyinchalik 

qarzdorlariga  beradi.  Demak,  tizimning  vazifasi-  omonatchilarni  himoya  qilish  va  ularga 

yaxshi daromad keltirish. Agar omonatchilarga himoya taqdim etilmas ekan, u holda bunday 

bank tizimi haqqoniy bo’la olmaydi, adolat konsepsiyasi mavjud bo’lmaydi, adolat esa islom 

qadriyatlarida asosiysidir. (Mirakhor, 1987)