Organik kimyo fanidan tayyorlagan

ASOSIY VAKILLARI

Glioksil kislotasi — 98°C da suyuqlanadigan kristallgidrat shaklida bo‘ladi. Ushbu kislota dixlorsirka kislotasidan olinadi. Reaksion qobьiyati yuqori bo‘lganligi uchun organik sintezda qo‘llaniladi.

Pirouzum kislotasi — sirka kislota hidli, 165°C da qaynaydigan rangsiz suyuqlik. Suvda eriydi. Qaynash temperaturasida qisman parchalanganligi uchun vakuumda haydaladi.

Pirouzum kislotasi organizmning har xil to‘qimalarida uchraydi, sut kislotali va spirtli bijg‘ish jarayonlarida oraliq mahsulot sifatida hosil bo`ladi. Pirouzum kislotasi biologik faol modda hisoblanadi, turli biokimyoviy reaksiyalarda ishtirok etadi.

Sintetik pirouzum kislotasi vino kislotasini KHS0₄ ishtirokida qizdirib olinadi.

Atsetosirka efiri (atsetosirka kislotasining etil efiri) — xushbo‘y hidli, 181°C da qaynaydigan rangsiz suyuqlik. Amalda ikki xil shakldagi tautomer aralashmasidan iborat. Atsetosirka efirining eritmalarini —40...—50°C gacha sovitib dikarbonil shaklini toza holatda ajratib olish mumkin. -39°C da suyuqlanadigan kristallar hosil qiladi. Xona temperaturasida dikarbonil shakl qisman yenol shakliga o‘tadi. Sanoatda atsetosirka efiri etilatsetatdan yoki diketendan olinadi.

Atsetosirka efiri pirazolonlar, akrixin kabi dorivor moddalar, bo‘yoqlar va piridin hosilalari olish uchun ishlatiladi.