Oraliq nazorat 1-shart Eftanaziya jinoyat emas.(Debat)

2-bob. Kodeksning prinsiplari
3-modda. Zavod xodimlari xulq-atvorining asosiy prinsiplari
Mazkur kodeks qonuniylik; fuqarolar huquqlari va qonuniy manfaatlari ustuvorligi; xizmat burchiga sodiqlik; professionallik va tejamkorlik prinsiplariga asoslanadi.
4-modda. Qonuniylik prinsipi
Zavod xodimlari O‘zbekiston Respublikasi Konstitutsiyasi va qonunlariga so‘zsiz rioya qiladilar, o‘z xizmat majburiyatlarini lavozim yo‘riqnomalari, mehnat shartnomalari, ushbu Kodeks qoidalari va boshqa me’yoriy hujjatlarga muvofiq bajaradilar.
5-modda. Fuqarolar huquqlari, erkinliklari va qonuniy manfaatlari ustuvorligi prinsipi
Zavod xodimlari fuqarolar huquqlari, erkinliklari va qonuniy manfaatlari buzilishiga yo‘l qo‘ymaydilar. Agar bunday buzilishlar kuzatilsa, bu haqida Odob-axloq komissiyasiga xabar beradilar hamda shu orqali fuqarolar huquqlari, erkinliklari va qonuniy manfaatlarini tiklashga ko‘maklashadilar.
6-modda. Xizmat burchiga sodiqlik prinsipi
Zavod xodimlari o‘z xizmat faoliyatini ma’naviy-axloqiy qadriyatlar, Vatanga sadoqat, xizmat burchiga sodiqlik asosida mijozlarning zavodga bo‘lgan talabini va ishonchini ifodalagan holda amalga oshiradilar. Xodimlar xizmat burchlarini o‘zaro kelishuv asosida, o‘zlarining manfaat va mafkuraviy qarashlaridan qat’iy nazar lozim darajada bajaradilar.
7-modda. Professionallik va tejamkorlik prinsipi
Xodimlar o‘z ish tajriba va ko`nikmalarini doimiy ravishda oshirib borishlari lozim hamda zavodning mulklariga ehtiyotkorona munosabatda bo`lishlari kerak.
3-bob. Xodimlarning yurish-turishi va muloqoti. Tashkiliy ishlar


8-modda. Kiyinish va tashqi ko‘rinishga oid qoidalar
Bevosita ishlab chiqarish bilan shug`ullanmaydigan zavod xodimlari bo‘lgan erkak kishilar ish vaqtida ochiq rangli ko‘ylak, to‘q rangli galstuk va klassik uslubdagi kostyum shim (yoki pidjak bilan klassik shim)da, to‘q rangli oddiy tuflida bo‘lishlari kerak hamda ortiqcha, ko‘zga tashlanadigan qimmatbaho soat va taqinchoqlar (nikoh uzugi bundan mustasno) bilan ishga kelishlari mumkin emas.
Kompaniya xodimi bo‘lgan ayol kishilar och rangli va yorqin bo‘lmagan ko‘ylakda, tizzani yopib turadigan yubka (qish mavsumida klassik shimga ruxsat beriladi)da, oddiy kostyumda va oldi yopiq to‘q rangdagi tuflida ish joyida bo‘lishlari lozim.
Barcha xodimlarning tashqi qiyofasi hamda ust-boshi toza, pokiza bo‘lishi kerak.