Оралиқ ёпмалар ва том ёпмаларида учрайдиган дефектлар, шикастланиш ва деформация турлари, уларнинг келиб чикиш сабаблари ва аниқлаш усуллари

Том ёпмаларида учрайдиган дефектлар, шикастланиш ва деформация турлари, уларнинг келиб чикиш сабаблари.
Томлар темирбетон, металл ва ёғочдан ишланади. Буларда юк кўтарувчи элементлар тўсинлар, фермалар, плиталар ва бошқа стропил конструкцияларидан ташкил топади.
Ёғоч том ёпмаларида асосий нуқсон бу ёғочнинг чириши, ёниши ҳамда қуриши натижасида пайдо бўладиган бўйлама ёриқлар ва эгилиш деформацияларидир. Ёғоч конструкциялардаги дефектлар ва шикастланишлар асосан кўп маротаба намланиб қуриши ҳамда намланиш натижасида чиришидир.
Том ёпмаларидан чакка ўтиши ҳамда нам ҳавони узоқ вақт сақланиб туриши ушбу жараённи тезлатувчи омил ҳисобланади.
Металл конструкциялардан ташкил топган том ёпмаларда асосий шикастланиш ва нуқсонлар қуйидагилардан иборат:
- металл коррозияси (занглаши);
- металл конструкциянинг деформацияланиши;
- пайванд ва болтли бирикмаларнинг бузилиши.
Коррозиянинг сабаби - ҳаво намлиги, агрессив муҳит таъсири ҳамда булардан металл конструкциянинг ҳимояланмаганлигидир. Металл конструкцияларнинг деформацияси асосан унга таъсир этувчи юклар ортиб кетиши ҳамда кўзда тутилмаган механик таъсирлар натижасида юзага келади. Пайванд ва болтли бирикмаларнинг бузилиши одатда коррозия натижасида ҳамда ушбу бирикмалар сифатсиз ишлангани натижасида ҳосил бўлиши мумкин.
Темирбетон конструкциялардан ташкил топган том ёпмаларда учрайдиган нуқсон, шикастланиш ва деформациялар ораёпмаларда қайд этилган билан бир хил.
Юқорида қайд этилган ораёпма ва томёпмалардаги нуқсонлар, шикастланиш ва деформация ҳолатларини кўздан кечириш ва асбобларни ишлатиш йўли билан аниқланади ва таҳлил қилинади.
Назорат учун саволлар
1. Ора ёпмалар ва том ёпмалардаги шикастланиш ва деформацияга олиб келувчи сабаблар нималардан иборат?
2. Ёпма конструкцияларидаги дефектларга нималар киради?
3. Темирбетон плиталарда учрайдиган дефектлар ва шикастланиш турлари қанақа?
4. Том ёпмаларида қандай шикастланиш ва дефектлар учрайди?