Қорақалпоғистон Республикаси Соғлиқни сақлаш вазири, Тошкент шаҳар соғлиқни сақлаш бош

---

Қорақалпоғистон Республикаси
Соғлиқни сақлаш вазири, Тошкент
шаҳар соғлиқни сақлаш бош
бошқармаси ва вилоят соғлиқни
сақлаш бошқармаси бошлиқларига
ТОПШИРИҚ ХАТИ
Ўзбекистон Республикаси Президентининг 2021 йил 26 июлдаги
“Аҳолига тиббий ёрдам кўрсатиш сифатини янада яхшилаш чора-тадбирлари
тўғрисида”ги ПҚ-5198-сон қарори ижросини таъминлаш ҳамда ҳомиладор
аёллар ва 3-15 ёшли болаларга йод етишмаслиги натижасида келиб
чиқадиган касалликларни олдини олиш мақсадида:
1. Антиструмин препарати йод етишмаслигини профилактикаси учун
қуйидагилар:
- 3-7 ёшдаги болаларга ½ таблеткадан ҳафтада 1 марта йил давомида;
- 8-15 ёшдаги болаларга 1 таблеткадан ҳафтада 1 марта йил давомида;
- ҳомиладор аёлларга ½ таблеткадан ҳафтада 2 марта ҳомиладорлик
даврида қабул қилиш кўрсатмаси маълумот учун қабул қилинсин.
2. Қорақалпоғистон Республикаси Соғлиқни сақлаш вазири, Тошкент
шаҳар соғлиқни сақлаш бош бошқармаси ва вилоят соғлиқни сақлаш
бошқармаси бошлиқларига:
Республика ихтисослаштирилган эндокринология илмий-амалий
тиббиёт маркази томонидан ахоли учун йод танқислиги ҳолатидаги белгилар,
йод препаратлари ва уларни ёшга оид тавсия қилиниши тўғрисида ишлаб
чиқилган тарқатма материалларни мактаб, боғча ва бошқа ташкилотларда
тарғибот қилиш йўли орқали кенг тадбиқ этилсин;
2023 йил “4” феврал
11-02564 - сон

---

мазкур топшириқ хатининг 1-бандига мувофиқ 3-15 ёшли болалар ва
ҳомиладор аёлларга йод препаратлари тўғрисида тўлиқ маълумот берган
холда тарқатиш чоралари кўрилсин;
йод препаратлари тарқатилиши юзасидан амалга оширилган ишлар
бўйича ҳар чоракда Оналик ва болаликни муҳофаза қилиш бошқармасига
ўрнатилган тартибда маълумот киритиб борилиши таъминлансин.
3. Мазкур топшириқ хатининг назорати Оналик ва болаликни муҳофаза
қилиш бошқармаси бошлиғи С.Убайдуллаева зиммасига юклатилсин.
Вазир ўринбосари
Э.Баситханова
Ижрочи: Р.Хаитбаева
ID: 230820
Сана: 04.02.2023