Қорақалпоқ давлат университети

Qoida – muayyan harakat tartibotini belgilaydi (masalan, idora joylashgan uy-joydan foydalanish qoidasi; arxivga hujjat materiallari topshirish qoidasi) o‘rnatilgan meyor asosida bajailadigan ish-faoliyatni ko‘rsatadi (ichki tartibot qoidasi, oily o‘quv yurtiga qabul qilish qoidasi).

Nizom. Tashkilot yoki uning tarkibiy bo‘limlari, kichik yoki qo‘shma korxona va shu kabilar tuzilishi, huquqi, vazifalari, burchlari, ishni tashkil qilishlari tartibotini belgilaydigan huquqiy hujjat. Nizom ayrim mansabdor shaxslarga va turli tadbirlar (ko‘rik, musobaqa, tanlov va boshqalar)ga nisbatan ham tuzilishi mumkin.

Nizomning asosiy zaruriy qismlari: 1.Vazifalari nizom bilan belgilanayotgan muassasa (tarkibiy qism) nomi. 2.Hujjat turining nomi (nizom). 3.Mazmuni (matni): muassasa tuzilishining maqsad va asoslari; asosiy vazifalari; muassasa tuzilishi, huquqi, ishni tashkil qilish tartiboti. 4.Muassasa rahbari imzosi. 5.Sana va joyi. 6.Tasdiqlash ustxati (yuqori qismida o‘ng burchakda joylashadi).

Ustav muayyan munasabat doirasidagi faoliyat yoki biror davlat organi, tashkilot, muassasaning tuzilishi, vazifalarini yo‘naltirib turadigan asosiy nizom va qoidalar majmuidir. Ustav biror organ yoki muassasa vazifalari va huquqiy holatini tavsiflaydigan me’yoriy ahamiyatga ega. Binobarin, ustav nizomga nisbatan keng tushunchadir. U ko‘proq ma’lum bir tarmoq, sohalar, yirik muassasalar bo‘yicha tuziladi.

SHARTNOMA Ikki yoki undan ortiq tomonning fuqarolik huquqlari va majburiyatlarini belgilash, o‘zgartirish yoki to‘xtatish yo‘lidagi kelishuvidir. Boshqacha qilib aytganda, shartnoma tomonlarning biron-bir munosabatlar o‘rnatish haqidagi (bitimi) ni qayd etuvchi va munosabatlarni tartibga soluvchi hujjatdir. Shartnoma to‘g‘risidagi umumiy qoidalar O‘zbekiston Respublikasining Fuqarolik kodeksi (33-385moddalar)da bayon etilgan.

Savollaringiz bo‘lsa marhamat!