O‘quvchilarni kasb-hunarga yo‘naltirish va psixologik -pedagogik respublika tashxis markazi

6. Do‘zax va jannat haqida rivoyat
Bir inson do‘zax va jannat nima ekanligini bilmoqchi bo‘libdi. Avval bir xonaga olib kirishibdi, u erda xonaning o‘rtasida sho‘rva qaynayotgan ekan. U erdagilarning qo‘llarida bir metrlik qoshiqlar bor ekan. Ular qoshiq uzun bo‘lganligi sababli ovqati eya olmas, qaynoqligidan damba-dam kuyar va ochliklaridan bir-birlariga baqirib, g‘azablanar edilar. Keyin uni boshqa xonaga olib kirishibdi. U xonada ham xuddi shunday qozon va sho‘rva bor ekan. Lekin u erda hamma tinch-totuv va mamnun ekanlar. Chunki ular juft-juft bo‘lib olib, uzun qoshiqlar yordamida bir-birlarini ovqatlantirayotgan edilar.
Muhokama. Jannatda insonlarga baxtli bo‘lishlariga nima yordam bergan edi?


3-sessiya xulosa qismi


7. Qayta aloqa
ishtirokchilar aylana bo‘ylab bugungi kun materiallaridan qiziqarli va foydali bo‘lgan narsalarni aytib o‘tadilar.
ishning bu bosqichini yozma o‘tkazish samaraliroq bo‘ladi. Har bir ishtirokchi (yozgan konspektlaridan foydalanmay, faqat xotiralariga tayangan holda) kun davomida bo‘lib o‘tgan barcha o‘yinlar, mashqlar va mini-ma’ruzalarning nomlarini yozadilar. Qiyinchilik tug‘ilgudek bo‘lsa, guruh yordamidan foydalanish mumkin. Ayniqsa, ketma-ketlikni aytishda.
guruh bir ovozdan barcha o‘yin, mashq va ma’ruzalarning ro‘yxatini tuzib chiqqandan keyin, trener har bir ishtirokchidan har bir ish shakli va undan qoniqish darajasini 5 ballik tizimda baholashni taklif qiladi.
ish jarayonida olingan baholar guruh bilan muhokama qilinishi yoki trenerga keyingi mashg‘ulotlarni rejalashtirishda qo‘l kelishi mumkin. Qaydlar avvaldan tayyorlab qo‘yilgan blankalarda qilinishi ma’qulroq.
Iii modul. “soft-skills” va muvaffaqiyatga erishish
2-mavzu. Qadriyatlar trening dasturi


Maqsad: trening ishtirokchilariga muhim qadriyatlarni shakllantirish va tushunchalar berish hamda uni hayotlarida qo’llay olishlariga erishish.


Vazifalar:

• 
  Qadriyatlarning hayotimizda tutgan o’rni va o’zimiz uchun muhim bo’lgan qadriyatlarni aniqlashga erishish.
  
• 
  Shaxsiy qadriyatlar ierarxiyasi tuzilishi muhimligining ahamiyatlilik darajasini his qilish va anglash.
  
• 
  Inson o‘zi uchun qadrli bo‘lgan narsalari va o‘z qadriyatlarini aniq anglashlari