|
15-Kazus
O‘zbekiston Respublikasi Prezidentining 2017-yil 30-sentyabrdagi “O‘zbekiston Respublikasi maktabgacha ta’lim vazirligi faoliyatini tashkil etish” to‘g‘risidagi PQ 3305-sonli qarori va Toshkent shahar hokimining 2018-yil
22-yanvardagi 110-sonli qaroriga muvofiq, Sirg‘ali tuman hokimining 2018-yil
18-martdagi 303-sonli qaroriga asosan arizachi “Beg‘ubor bolajon” MChJga Toshkent shahar Sirg‘ali tumani, 8-mavze, 11, 13, 14 va 15-uylar oralig‘ida joylashgan, umumiy maydoni 0,20 gektar yer maydoni xususiy maktabgacha ta’lim muassasini yangidan tashkil etish uchun ajratildi.
”Beg‘ubor bolajon” MChJga, arxitektura va qurilish bosh boshqarmasiga arxitektura rejalashtirish topshiriqlarini tuzib chiqish uchun buyurtma berishi, loyixalash uchun yer osti muxandislik inshootlarining toposurati tushirilgan 1:500 nisbatdagi topografik xarita va geologik xulosa ishlab chiqish uchun “Qurilishda muhandislik qidiruvlari, geoaxborot va shaharsozlik kadastri davlat instituti” Davlat unitar korxonasining Toshkent shahar filialiga buyurtma berishi, ajratilgan ermaydonini “Toshkent shahar er resurslari va davlat kadastri” Dkdan ro‘yxatdan o‘tkazish uchun buyurtma berishi, loyiha-smeta hujjatlarini tayyorlash uchun loyihalash tashkiloti bilan o‘rnatilgan tartibda tuzishi hamda loyiha-smeta ishlarini mutasaddi tashkilotlarga taqdim etishi, mazkur hududda joylashgan muhandislik tarmoqlarini ko‘chirish yoki muhofaza hududini saqlab qolish ishlari o‘z mablag‘lari hisobidan amalga oshirilishi inobatga olinishi, qurilish ishlari tugaganidan so‘ng, yer osti muhandislik inshootlarining toposurati tushiriligan 1:500 nisbatdagi topografik xaritasi, “qurilishda muhandislik qidiruvlari, geoaxorot va shaharsozlik kadastri davlat instituti” Davlat unitar korxonasining Toshkent shahar filialiga topshirish vazifasi yuklatilib, O‘zbekiston Respublikasi “Yer kodeksi”ning 4-bob, 36-moddasida ko‘rsatib o‘tilgan holatlar yuzaga kelganda, ushbu qaror bekor qilinishi haqida ogohlantiriladi.
Ushbu qaror asosida “Beg‘ubor bolajon” MCHJ o‘z huquqlarini davlat ro‘yxatidan o‘tkazib, qurilish ishlarini amalga oshirish uchun qarorda ko‘rsatilgan ruxsat beruvchi hujjatlarni rasmiylashtiradi.
Sirg‘ali tuman hokimining yuqorida qayd etilgan qaroriga nisbatan 2019-yil 16-yanvarda Toshkent shahar prokurori tomonidan 40.3/19-18-sonli protest keltirilib, unda Toshkent shahar prokuraturasi tomonidan Sirg‘ali tuman hokimining qarorlarini nazorat tartibida o‘rganib chiqish jarayonida, ayrim qarorlar noqonuniy qabul qilingani aniqlangani, jumladan Sirg‘ali tuman hokimining
2018-yil 18-martdagi 303-sonli qaroriga asosan, “Beg‘ubor bolajon” MChJga Sirg‘ali tumani, 8-mavze, 11, 13, 14 va 15-uylar oralig‘ida xususiy maktabgacha ta’lim muassasini yangidan tashkil etish uchun uchun maydoni 0,20 gektarli yer doimiy foydalanishga ajratib berish haqidagi qarorni qabul qilinishiga O‘zbekistan Respublikasi Prezidentining 2017-yil 30-sentyabridagi “O‘zbekiston Respublikasi maktabgacha ta’lim vazirligi faoliyatini tashkil etish” to‘g‘risidagi PQ 3305-sonli yig‘ilish bayoni asos bo‘lgani, 110-sonli qarorda Sirg‘ali tumani, 8-mavze, 11, 13, 14 va 15-uylar oralig‘ida 0,20 gektarli yer maydoni ajratilishi nazarda tutilmagani, yer ajratish to‘g‘risidagi qarorni chiqarishda shaharsozlik normalari va qoidalarining 2.07.01-03 qismi 21.1 bandi izoh qismida ko‘rsatilgan ko‘p xonadonli binolar oralig‘ida maxsus bino va inshootlardan (sport maydonlari, bolalar o‘yin maydonchalari, kiyim-kechak quritish maydonchalari, avtomobillarning vaqtincha to‘xtash joylari) tashqari har qanday boshqa maqsadli obyektlarning joylashtirilishiga yo‘l qo‘yilmaydi degan talabi buzilgani, qaror qabul qilishdan oldin tuman hokimligi mutasaddi xodimlari tomonidan mazkur hududda yashovchi aholi va “Beg‘ubor bolajon” MCHJ rahbarlari ishtirokida xususi maktabgacha ta’lim muassasini qurish rejasini rejasini keng muhokama qilmagani, ushbu obyektning haqiqatan ham zarurligi haqida fuqarolardan fikr olinmagani, qurilish loyihasi va investor haqida tegishli ma’lumotlar to‘planib, keng aholi e’tiboriga etkazilmagani sababli Sirg‘ali tuman hokimining 2018-yil 18-martdagi 303-sonli qarorini bekor qilish so‘raladi.
Chilonzor tuman hokimiyati tomonidan Toshkent shahar prokurorining tuman hokimining 2018-yil 18-martdagi 303-sonli qarorini bekor qilish haqidagi protesti mazkur qaror bilan yerdan foydalanish huquqi belgilangan manfaatdor “Beg‘ubor bolajon” MChJning ishtirokisiz, Toshkent shahar prokurorining protesti nusxasi manfaatdor shaxsga taqdim etilmagan holda, bir taraflama va tegishli tartibda bayonnoma yuritilmagan ko‘rib chiqilib tuman hokimining 2019-yil 25-yanvardagi qarori bilan tuman hokimining 2018-yil 18-martdagi 303-sonli qarori bekor qilinadi.
Do'stlaringiz bilan baham: |
