O‘quv yili kuzgi semestr uchun “Ma’muriy huquq” fani bo‘yicha yakuniy nazorat kazuslar

Kursdoshlar kerakli moddalar va qonun hujjatlarini qo`lladim xulosa o`zlaringdan.

18-Kazus

Fuqaro B. O‘zbekiston Respublikasi Prezidentining 2018-yil 30-maydagi “Istiqbolli boshqaruv kadrlarni tanlov asosida tanlab olishning zamonaviy tizimini yaratish chora-tadbirlari to‘g‘risida”gi 3755-sonli qaroriga muvofiq O‘zbekistan Respublikasi Prezidenti huzuridagi Davlat boshqaruvi Akademiyasida tashkil etilgan “Taraqqiyot” Respublika tanlovida ishtirok etadi.

Fuqaro B.ning tanlov veb-portali orqali jo‘natgan hujjatlari tanlov shartlariga mos kelganligi, uning anketalarida ishtirokchilarga qo‘yilgan talablarga zid holatlar aniqlanmaganligi tufayli, dastlabki to‘rt bosqichdan yuqori natijalar bilan o‘tgandi.

Biroq, fuqaro B. Komissiya tomonidan “soliq va bojxona sohasidagi eng yaxshi boshqaruvchi” nominasiyasi bo‘yicha o‘tkazilgan navbatdagi “yozma tahliliy material bosqichi” natijalari e’lon qilinganidan so‘ng, rahbarlik lavozimlarida ishlamagan nomzod sifatida tanlov ishtirokchilari ro‘yxatidan chiqariladi.

Bundan norozi bo‘lib, fuqaro B. ushbu mazmundagi shikoyat arizasi bilan ma’muriy sudga murojaat qilib, unda javobgar istiqbolli boshqaruv kadrlarini tanlab olish bo‘yicha “Taraqqiyot” Respublika tanlovini o‘tkazishni tashkil etish bo‘yicha komissiyaning uni tanlov ishtirokchiligidan chiqarishda ifodalangan

hatti-harakatlarini g‘ayriqonuniy deb topib, komissiya zimmasiga uni tanlovda ishtirok etish huquqlarini tiklash majburiyatini yuklashni so‘ragan.

Birinchi instantsiya sudi, javobgar istiqbolli boshqaruv kadrlarini tanlab olish bo‘yicha “Taraqqiyot” Respublika tanlovini o‘tkazishni tashkil etish bo‘yicha komissiyasi ma’muriy organ emasligi, shunga ko‘ra fuqaro B.ning shikoyatda keltirgan talablari ma’muriy sudning sudloviga taalluqli emasligini asos qilib, shikoyatni ish yurituviga qabul qilishni rad etish haqida ajrim chiqaradi.