O`quv ustaxonasi” Fani

Urchuqsiz pishitish mexanizmi

81-rasm. Zinser 668 piliklash mashinasining pishitish mexanizmi: 1- cho‘zish asbobining chiqaruvchi juftligi 2- mexanizmning ustki paneli 3- buram taqsimlagich 4- rogulka 5- rogulkaning tasmali harakat uzatmasi 6- lapka (barmoqcha) 7- g‘altak yo‘naltirgich

Ushbu mexanizmda pishitish ikki zonada amalga oshiriladi. Birinchi zona chiqaruvchi juftlik - buram taqsimlagich orasida bo‘lib, cho‘zish asbobidan chiqayotgan piltachaga aylanuvchan buram taqsimlagich sirti qirralari yordamida (yumalatib) dastlabki buramlarni beradi. Ikkinchi zona buram taqsimlagich – rogulkaning g‘ovak shoxchasi orasida bo‘lib, uning elkasi shakllanayotgan pilikga asosiy buramlarni beradi. Ustki panelga o‘rnatilgan buram taqsimlagichlarning balandligi hisobiga oldingi va keyingi qatorlarda pilikning bir xil taranglikda pishitish amalga oshiriladi.

Buramlarni bir tekisligini ta’minlash maqsadida har xil tuzilishdagi buram taqsimlagichlar ishlatiladi. Ularning ishchi sirtlari va riflya - o‘yiqlari har xil tuzilishga ega bo‘lib tola turlariga qarab tanlanadi. Buram taqsimlagichlar piltachaga berilayotgan buramlarni oldingi silindrgacha etib borishini ta’minlaydi, pilik tolalarini zichlashtirib pishiqligini oshiradi va uzilishlarni kamaytiradi.

a b v

82-rasm. Buram taqsimlagichlar:

a - taqsimlagichning sirti yumoloqlashtirilib, riflyalari sezgir qilib ishlangan, u universal hisoblanib paxta va kimyoviy tolalardan chiziqiy zichligi 500 teksgacha bo‘lgan pilik tayyorlashda ishlatiladi.

b – taqsimlagichning sirti yumoloqlashtirilmay, o‘tkir riflyalar bilan jihozlangan, u paxta, viskoza va boshqa kimyoviy tolalardan chiziqiy zichligi 1000 teksgacha bo‘lgan pilik ishlab chiqarishda qo‘llaniladi.

v - taqsimlagichning sirti yumoloqlashtirilgan o‘tmas riflyali qilib ishlangan, u paxta va kimyoviy tolalar aralashmasidan chiziqiy zichligi 500 teksdan kam bo‘lgan pilik ishlab chiqarishda qo‘llaniladi. SHunday qilib, piliklash mashinasi unifikatsiyalashtirilgan.

83-rasm. Pishitish moslamasi chiqaruvchi juftlik, buram taqsimlagich, ustki karetka, va rogulkalardan iborat bo‘lib, mahsulotni pishitish ikki zonada amalga oshiriladi. Birinchi zona buram taqsimlagich va oldingi juftlik orasidagi pishitishdan iborat. Bu zonada dastlabki pishitish amalga oshiriladi. Birinchi zonada buram taqsimlangichlar sirtining chekkalaridan har hil tuzilishidagi riflya – uyiqlar tufayli mahsulotga dastlabki buram beradi. Buramlar silindrgacha etib borishi natijasida pilikdagi tolalar zichlashib pishiqligi oshadi.

Paxta va kimyoviy tolalar aralashmasidan chiziqiy zichligi 500 dan kam bo‘lgan pilik ishlab chiqarishda qo‘llaniladi.

Rogulkaning g‘ovak shochasida amalga oshiriladi, maxsulotning ikkinchi zonada pishilitish , ya’ni rogulka bir marotaba aylanganda g‘ovak shohchaning elkasi mahsulotga bitta buram berish vazifasini bajaradi.

Zinser 668 piliklash mashinasida 1/4 va 3/4 shaylash o‘rniga buram ragulkaga o‘rnatilgan taqsimlagichlarning vtulka qismi uzunroq qilib ishlanganligi tufayli ikkalag‘atordagi piliklar oldingi silindr sirtini bir xil burchak ostida qamrab o‘tadi. Buning natijasida oldingi va keyingi qator piliklarida bir xil taranglik ta’minlanadi Bundan tashqari mashinaning pishitish-o‘rash qurilmasidagi mazkur takomillashtiruv birinchi va ikkinchi qator barmoqchalarida bir xil, ya’ni 3 marotaba chirmab o‘tib o‘ralishdagi taranglikni bir xil bo‘lishini ta’minlaydi.