O`quv ustaxonasi” Fani

Asosiy ma’lumotlar

Cho‘zish asbobidan chiqayotgan yupqa tutamchani ipga aylantirish uchun buramlar berib pishitiladi. Ip pishitilganda uni tashkil etuvchi tolalar vintsimon chiziqlar bo‘ylab joylashgan holda bir-biriga bosilib, zichlashib jipslashadi. Natijada ular orasida ishqalanish kuchi yuzaga keladi va u ipning uzuvchi kuchlarga qarshiligini bildiradi. Ipning pishitilishi pishitish - o‘rash qurilmasi yordamida amalga oshiriladi.

Buramlar berish natijasida tutamchada bir-biriga parallel chiqayotgan tolalar ip o‘qiga nisbatan qadami va radiusi turlicha bo‘lgan vintsimon chiziq bo‘ylab joylashadi. Ipning pishitilganligi ip uzunlik birligiga to‘g‘ri keluvchi buramlar soni bilan ifodalanadi. Metrik o‘lchov tizimida 1m ipga to‘g‘ri keluvchi, ingliz o‘lchov tizimida bir dyyum uzunlikka to‘g‘ri keluvchi buramlar soni pishitilganlik deyilib K, [b/m]; TPI [b/dyyum] bilan belgilanadi. Ip o‘qiga nisbatan tolaning qiyalik burchagi pishitilish burchagi deyiladi. Ip pishitilishining uchinchi ko‘rsatkichi pishitish koeffitsientidir. Pishitish koeffitsientidan yo‘g‘onligi turlicha iplarni qiyoslashda foydalaniladi.

Ipning pishitilganligini hisoblash uchun pishitish koeffitsientini tanlash kerak. U tolaning uzunligiga, ipning chiziqiy zichligiga va ipning ishlatilishiga qarab tanlanadi (trikotaj, to‘quv, arqoq yoki tanda).

, bur/m

Bu erda: K – pishitilganlik, bur/m

α_t – pishitish koeffitsienti

T_ip – ipning chiziqiy zichligi, teks