O’quv-uslubiy majmuaning tarkibi

Alkogoldan zaharlanish.

Alkogolning toksik dozalarini qabul qilish vaqtida mastlikning umumiy belgilariga qo’shimcha ravishda quyidagi belgilar kuzatiladi: sovuq yopishqoq teri, yuz terisi va kon’yunktivaning giperemiyasi, tana haroratining pasayishi, qayd qilish, noixtiyoriy ich kelish va siyib yuborish. Ko’z qorachiqlari qisqargan, nafas buzilishi kuchaya borgan sari kuchayadi. Nafas sekinlashgan, puls kuchsiz, tezlashgan. Tutqanoqlar, qusish massalarining aspiratsiyasi, laringospazm bo’lishi mumkin. Nafas va yurak – tomir faoliyatining to’xtashi kuzatiladi. O’lim dozasi 96%li spirtning 300ml.

Alkogoldan zaharlanishni to’xtatish maqsadida zond yordamida oshqozon yuviladi. Alkogolning eliminatsiyasini tezlashtirish maqsadida vena ichiga glyukozaning gipertonik eritmasi insulin bilan birgalikda (20%li glyukoza eritmasining 500 ml va 20 TB ligida insulin), 500-1000ml 4%li gidrokarbonat natriy eritmasi yuboriladi. Og’ir koma holatlarida o’lchovli diurez o’tkaziladi. Arterial bosim tushib ketganda yurak-tomir preparatlaridan strofantin, kordiamin, mezaton va boshqa preparatlar buyuriladi.