O’quv-uslubiy majmuaning tarkibi

Elektr tokidan shikastlanish.

Elektr tokidan shikastlanish – texnik yoki atmosfera elektr quvvati ta’sirida yuzaga keladigan holat. Odam organizmida elektr toki o’tgan vaqtda sodir bo’ladigan shikastlanishlar, mexanik va kimyoviy kuyish kabi turlarga bo’linadi. Elektr toki bilan shikastlanishda quyidagi omillar rol o’ynaydi; havo, poyafzal, kiyim va odamga tegib turgan jismlarning namligi; teri qavatlarining elektr tokiga bo’lgan qarshiligini kamayishi; organizmning qonsizlanishi, isib ketishi, charchash, turli kasalliklar oqibatida qarshilik ko’rsatish kuchining susayishi; jabrlanuvchining yoshi.

Elektr toki urishi - elektr jarohat elektr tokning reflektor ta’sirida vujudga keladi, ya’ni nerv tizimini falajlaydi. Elektr toki inson tanasidan o’tishi nerv tolalariga ta’sir o’tkazadi va inson tanasi a’zolari hamda mushaklari kuchli qisqarishi, yurak to’xtab qolishi asoratlarini keltirib chiqarishi mumkin.

Organizmning barcha a’zo to’qimalari elektr tokidan shikastlanishi mumkin. Lekin tok ko’proq tokning kirish va chiqish yo’li o’rtasidagi sohalarni zararlaydi – «tok belgilari». To’qimalardagi bu o’zgarishlar oddiy kuyishlardan farq qiladi - to’qimalarning zararlanishi chuqurroq, yiringli protsesslarning vujudga kelishi kamroq, kuyish sohalarida chandiqlarning bo’lmasligi, ko’zga ko’ringan mahalliy o’zgarishlar bilan a’zo va to’qimalarning elektrda shikastlanish alomatlarining mutanosibligini yo’qligi, nerv retseptorlarining zararlanishi tufayli og’riqning sezilarli bo’lishidir.