O’quv-uslubiy majmuaning tarkibi

Zaharlovchi moddalarni qo’llash usuli.

Zaharlovchi moddalar kimyoviy zarba berish vositalari yordami bilan mo’ljallangan joyga olib boriladi va mayda zarrachalarga parchalanadi, shunda ular bug’ holatiga, aerozol holatiga yoki tomchi holatiga aylanadi. Mana shu maqsad uchun chet el armiyasi qurolida har xil kalibrdagi kimyoviy aviatsion bombalar, raketalar, artilleriya snaryadlari, reaktiv snaryadlar, to’kib yuboruvchi aviatsion priborlar va boshqalar saqlanadi. Bu qurollar portlaganda zarralarga parchalanuvchi ZM bilan to’ldiriladi. ZMlar bilan to’ldirilgan 200 dan ortiq kichik bombalarni ichiga joylay oladigan kasset bombalar va raketalar ham mavjud. Kimyoviy qurollar portlaganda zaharlangan atmosfera buluti hosil bo’ladi va u shamol bilan harakat qilib, 30 va undan ortiq km masofani zaharli moddalar bilan zaharlaydi. Ko’pchilik zaharli moddalarning (tsianid kislotadan tashqari) bug’i havodan og’ir bo’ladi va pastliklarda, jarlik va chuqurliklarda to’planib qoladi. Atmosferaning yuqori qatlamlarida ZMlarning bug’i kam bo’ladi.