O’quv-uslubiy majmuaning tarkibi

Er surilishi ofatining oldindan kuzatiladigan belgilari quyidagilardan iborat:

• 
  qiya sathli hududlarda yoriqlar paydo bo’lishi;
  
• 
  yo’llarda uzilishlarning yuzaga kelishi;
  
• 
  daraxtlarning to’g’ri o’smasligi (qiyshayib o’sishi);
  
• 
  uylar devorlarining yorilishi;
  
• 
  bino, inshootlar konstruktsiyasining buzilishi va boshqa belgilar.
  

Diyorimizda er surilishi xavfi mavjud bo’lganligidan har yili Vazirlar Mahkamasining: «Toshqin suvlari, sel oqimlarini o’tkazib yuborish va ko’chki hodisalari bilan bog’liq bo’lgan favqulodda vaziyatlarning oldini olish va ularning oqibatlarini tugatish bo’yicha qo’shimcha chora-tadbirlar to’g’risidagi»gi qarori qabul qilinib, Favqulodda vaziyatlar vazirligining tegishli tizimlari ofat xavfi bo’lgan hududlarda muayyan vazifalarni bajarishlari talab etiladi. Xususan, xavfli hududlarda:

-qidirish va ularga bog’liq bo’lgan kovlash ishlarini olib bormaslik;

-tog’ jinsi to’kilmalarining yig’ilishiga yo’l qo’ymaslik;

-temiryo’l, og’ir yukli transport vositalari harakat tezligini belgilanganidan oshirmaslik,

-o’simlik dunyosini muhofaza qilish, sug’orish, shudgorlash ishlarini olib bormaslik,imorat, inshootlar qurish;

-portlatish ishlarini olib bormaslik;

-oqava va buloq suvlarini oqizmaslik va ayniqsa xavfi yuqori bo’lgan joylardagi odamlarni xavfsiz joylarga ko’chirish ishlari va boshqa tadbirlar.

Demak, er surilish ofatini talafotsiz va qurbonsiz o’tkazib yuborish

uchun, aholimiz ham xavf-xatarni ongli ravishda his etgan holda mas’ul xodimlarga yordam berishlari zarur hisoblanadi. Ba’zi hollarda har qancha ogohlantirishga qaramay, aholi o’z joylarida qolib, talafotlarning ko’payishiga sabab bo’lmoqda.