O’quv-uslubiy majmuaning tarkibi

Kuyganda birinchi yordam ko’rsatish.

Umumiy va mahalliy choralardan iborat.

Mahalliy choralar – kuygan yuzaga quruq aseptik bog’lam qo’yiladi, yopishib qolgan to’qimalarni olib tashlanmaydi. Aks holda pufaklar yorilib, infektsiya tushishi va og’riq kuchayishi mumkin. Shu maqsadda kuyishga qarshi maxsus standart bog’lamlar ishlatiladi. Katta kuyishlarda transport taxtakachlari qo’yiladi, og’riqni qoldirish uchun og’riq qoldiruvchi vositalar beriladi. Tanasining ko’p qismi kuygan kishini toza, iloji bo’lsa steril choyshab bilan o’rab, zudlik bilan yaqin atrofdagi kasalxonaga jo’natiladi.

Kislota va ishqorlar bilan kuygan vaqtda kimyoviy moddalarni teridan sovuq suv oqimi yordamida yuvib tashlanadi. Kislotalar ta’siri ishqor yordamida (2%

li natriy gidrokarbonat, bo’r, magniy oksid kukuni, sovunli suv); ishqorlar ta’siri kislotalar yordamida (1-2% sirka yoki limon kislotasi) neytrallanadi.

Umumiy choralar - kuyganlarni davolash muassasasiga transportirovka qilish muhim ahamiyatga ega. Katta va og’ir kuyishlarda transportirovka oldidan, transportirovka vaqtida shokka qarshi choralar ko’rish muhim rol o’ynaydi. Shu maqsadda og’riqni qoldiruvchi preparatlar (promedol, omnopon, morfin, analgin), antigistamin dorilar (dimidrol, suprastin) beriladi. Iloji bo’lsa ularni vena orqali yuborilgani ma’qul, chunki shokda ularni teri orqali so’rilishi sekin boradi. Transportirovka vaqtida (agar u 1 soatdan ortiq davom etsa) vena ichiga 800-1200 ml miqdorda plazma o’rnini bosuvchi elektrolit eritmalari (poliglyukin, jelatinol, reopoliglyukin, polifer, reoglyuman, «Disol» ,

«Trisol»), yuboriladi. Shokka qarshi issiq choy, kofe hamda ishqoriy mineral suvlar berish tavsiya etiladi. Kuyganlarni yotgan holatda transportirovka qilinadi.