O’quv uslubiy majmua

12.2. Baholash platalari va kengayish platalari

EZ KIT markasining baholash platalari foydalanuvchini muayyan protsessor imkoniyatlari bilan boshlang‘ich tanishtirish uchun mo‘ljallangan. Bunday platalar bir tizim bo‘lib, uning platalar tarkibiga bevosita protsessorning o‘zi, tashqi xotira mikrosxemalari va protsessorning ichki periferiya modullari to‘plami va birinchi navbatda qaysi vazifalarni bajarishga yo‘naltirilganligiga bog‘liq ravishda o‘zgaruvchi tashqi interfeys mikrosxemalari kiradi. EZ KIT platasidagi protsessorga dasturni yuklash va uni sozlash Visual DSP++ muhitidan shaxsiy komp’yuterning standart portlarining biri orqali amalga oshiriladi. Shaxsiy komp’yuter va protsessor orasida aloqa uchun USB porti va Debid Agent texnologiyasidan foydalaniladi. Debid Agent baholash platasida joylashgan alohida kontroller bo‘lib, shaxsiy komp’yuterdan keladigan buyruqlarni protsessorning sxema ichi sozlash interfeysi

199
buyruqlariga o‘zgartirib beradi. Zamonaviy EZ KIT Lite baholash platalari

kengayish platalarini qo‘shish uchun maxsus razyomlarga ega bo‘lib, bu raz’yomga protsessorning ko‘pchilik signallari olib chiqilgan. Bunday razyomning mavjudligi baholash platasiga eng turfa periferiya qurilmalarni qo‘shish va uning asosida tugallangan tizimprototipini yaratishimkonini beradi. Foydalanuvchilar o‘z xususiy kengayish platalarini ishlab chiqishlari yoki quyidagi vazifalarni bajarish uchun mo‘ljallangan tayyor platalarning biridan foydalanishlari mumkin [23]:

− audio va videosignallarni kiritish/chiqarish (AVEZ Extender va Audio EZ Extender);
− Analog Devices kompaniyasining tez ta’sir qiluvchi SAP/ASP baholash platalariga va sensorli suyuq kristallik displeylariga (Landscape LCD EZ Extender) ulanish;
− USB interfeyslari (USB EZ Extender, USB LAN EZ Extender), Ethernet (USB LAN EZ Extender) va Bluetooth (Bluetooth EZ Extender) orqali tashqi qurilmalar bilan ishlash.
Tayyor kengayish platalarining ko‘pchiligi Blackfin protsessorlari uchun baholash platalari bilan ishlaydi, biroq SHARC protsessorlariga mos keladigan variantlar ham chiqarilmoqda.