O`quv-uslubiy majmua Namangan davlat universitetining 20 yil dagi sonli bayonnoma bilan tasdiqlangan o`quv dasturi asosida ishlab chiqilgan

Kamaytirilgan uchtovushlik — chetki tovushlari kamaytirilgan kvintani tashkil etuvchi, ikki kichik tersiyadan iborat uchtovushlik. U tabiiy majorning VII bosqichida, shuningdek, garmonik major yoki minorning II va VII bosqichlarida uchraydi.
Kvartdetsima — o‘zida o‘n to‘rt bosqichni (pog‘onani) ifodalagan (oktava orqali septima) interval. U 14-raqami bilan belgilanadi.
Kvartet — 1. To‘rt cholg‘uchidan iborat ansambl. 2. SHunday ansambl uchun yozilgan musiqa asari.
Kvartsekstakkord — uchtovushlikning ikkinchi aylanmasi, kvinta tovushi pastda joylashadi va 4/6 bilan belgilanadi.
Kvinta — o‘zida besh bosqichni aks ettirgan interval. O‘zida uch yarim tonni ifodalagan bo‘lsa, sof kvinta deyiladi. Sof kvinta sof 5. bilan belgilanadi.
Kvintdetsima — o‘zida o‘n besh bosqichni (pog‘onani) ifodalagan interval (oktava orqali oktava). U - 15 bilan belgilanadi.
Kvinta davrasi — ladning barcha tonalliklari sof kvinta bo‘yicha joylashtirilgan tuzilma.
Kvintol — to‘rt nota o‘rniga besh notadan tashkil topgan ritmik tuzilma, 5 raqami nota ustida yoki ostida yoziladi.
Kvintsekstakkord — tersiya toni pastda joylashgan septakkordning birinchi aylanmasi, 5/6 bilan belgilanadi.
Klavir — opera yoki simfonik musiqa partiturasining fortepianoda (yoki fortepiano jo‘rligida kuylash) ijro etish uchun qayta o‘girilishi.
Koda — musiqa asarining yakunlovchi qismi (uni yaxlit holda yakunlash).
Konsonans intervallar — yumshoq eshitiladigan, tovushlari go‘yo bir-biriga quyilib ketadigan intervallar.
Konsert — orkestr jo‘rligida ma’lum cholg‘u asbobi uchun mo‘ljallangan yirik asar.
Kichik etakchi septakkord — tabiiy majorning ettinchi bosqichidan tuzilgan septakkord. Kamaytirilgan uchtovushlik va kichik septimadan yoki ikkita kichik tersiya va katta tersiyadan tuzilgan septakkord.
Lidiy ladi — xalq musiqasida uchraydigan o‘ziga xos lad. Tabiiy majordan IV bosqichning pasayishi bilan farq qiladi.