O`quv-uslubiy majmua Namangan davlat universitetining 20 yil dagi sonli bayonnoma bilan tasdiqlangan o`quv dasturi asosida ishlab chiqilgan

Volta — musiqa asari biron parchasining boshqasi bilan yakunlanishini bildiradi. 1, 2 belgilari bilan ko‘rsatiladi.
Gamma —joylashishi bo‘yicha yuqoriga va pastga tomon tonikadan oktavaga qadar takrorlanadigan lad tovushlari.
Garmonik interval — tovushlari birdaniga ijro etilgan interval.
Garmonik major — VI bosqichi yarim ton pasaytirilgan major.
Garmonik minor — VII bosqichi yarim ton ko‘tarilgan minor.
Garmonik majorning xarakterli intervallari — garmonik majorda VI bosqich pasaytirilishi natijasida paydo bo‘ladigan orttirilgan va kamaytirilgan intervallar.
Garmonik minorning xarakterli intervallari — garmonik minorda VII bosqich ko‘tarilishi natijasida paydo bo‘ladigan orttirilgan va kamaytirilgan intervallar.
Garmoniya — 1. Musiqaning ifoda vositalaridan biri. Bu musiqa asari asosiy kuyiga hamrohlik qilib boradigan akkordlar ketma-ketligidir. 2. Akkordlar va va ularning aloqasi haqidagi fan.
Gruppetto (melizm)— to‘rt notadan tarkib topgan kuychan shakl. Ijro etilishida yuqori yordamchi (asosiy tovushdan sekunda yuqorida bo‘ladi), asosiy tovush, pastki yordamchi (asosiy tovushdan sekunda pastda joylashadi) va yana asosiy tovush ijro etiladi.
Detsima — o‘zida o‘nta bosqichni aks ettirgan interval (oktavadan keyingi tersiya). Agar u 8 tondan iborat bo‘lsa katta detsima deyiladi. Agar u etti yarim tondan iborat bo‘lsa kichik detsima deb aytiladi. Katta detsima kat.10 va kichik detsima kich.10 bilan belgilanadi.
Diapazon — ma’lum ovoz yoki cholg‘u asbobining tovush hajmi; ushbu ovoz yoki cholg‘u asbobining eng past va eng yuqori tovushlari orasidagi interval bilan aniqlanadi.
Diatonik gamma — biron bosqichi ham alteratsiya belgilari yordamida o‘zgartirilmasdan takrorlanadigan gamma.
Diatonik intervallar — ladning asosiy diatonik bosqichlari (sof, katta, kichik, uchtonlik) da uchraydigan intervallar.
Diatonik ladlar — alteratsiyalanmagan, ya’ni biron bosqichi xromatik pasaytirilmagan yoki ko‘tarilmagan lad (tabiiy major va minor, shuningdek, xalq musiqasi ladlari (doriy, frigiy, lidiy, miksolidiy, besh bosqichli ladlar).