O’quv uslubiy majmua magistratura barcha ta’lim yo’nalishlari uchun urganch-2021

Magistrlik dissertatsiyasida jadval, rasm va formulani keltirish namunalari
Jadval namunasi


2.1-jadval
AT «Aloqabank»da qishloq xo‘jaligi korxonalariga berilgan kreditlarning tasniflanishi (jamiga nisbatan foizda₎⁴⁰

t/r	KO‘RSATKICH- LAR	Y I L L A R						2017-yilda 201 2 yilga nisbat an o‘zgarishi, foizda
		2012	2013	2014	2014	2016	2017
1	YAxshi kreditlar	86,0	85,0	87,0	94,0	95,6	7,5	11,5
2	Standart kreditlar	14,0	15,0	13,0	6,0	4,4	2,5	-11,5

1.6. Magistrlik dissertatsiyasiga ilmiy rahbar xulosasi, ichki va tashqi taqrizlarga qo‘yiladigan talablar

Magistrlik dissertatsiyasiga ilmiy rahbar xulosasi, ichki hamda tashqi taqriz talab etiladi. Ichki va tashqi taqrizchilarni oliy ta’lim muassasasining tegishli mutaxassislik kafedrasi tavsiya etadi va ularning ro‘yxati ilmiy ishlar bo‘yicha prorektor tomonidan tasdiqlanadi. Taqrizlar, aynan ajratib ko‘rsatilgan holda mantiqiy ketma-ketlikda quyidagilarni o‘zida aks ettirishi tavsiya etiladi:

Ilmiy rahbar xulosasi:

• 
  dissertatsiya mavzusining dolzarbligi;
  
• 
  dissertatsiya mavzusining tadqiqot ob’ekti bilan o‘zaro bog‘liqlik darajasi;
  
• 
  tadqiqotda belgilangan maqsad va vazifalarning yoritilish darajasi;
  
• 
  tadqiqotning ilmiy yangiligi;
  
• 
  tadqiqot natijalarining ilmiy asoslanganligi;
  
• 
  izlanish natijasida ishlab chiqilgan xulosa va takliflarning e’tiborga molikligi;
  
• 
  magistrlik dissertatsiyasiga qo‘yiladigan talab va mutaxassislikka mosligi kabilarni o‘zida aks ettirish zarur.
  

Ichki va tashqi taqrizlar:

• 
  mavzuning dolzarbligi;
  
• 
  dissertatsiyaning ilmiy yangiligi;
  
• 
  amaliy natijalarning asoslanganligi;
  
• 
  tadqiqotning amaliy ahamiyati;
  
• 
  tadqiqotning mazmuni hamda tugallanganlik darajasi;
  
• 
  ma’lumotlar va matnni bayon etish tili hamda uslubi;
  
• 
  tadqiqotning ilmiy-amaliy qiymati;
  
• 
  magistrlik dissertatsiyasining oldiga qo‘yiladigan talablar va magistratura mutaxasisligiga mosligi kabi masalalarni yoritishi maqsadga muvofiqdir.
  

Magistrlik dissertatsiyasi belgilangan talablarga mos kelmagan holatlarda, magistratura talabasi tomonidan kasb odobaxloqi qoidalari (plagiat, ma’lumotlarni soxtalashtirish, yolg‘on sitata keltirish va boshqalar) buzilganligi aniqlangan taqdirda, shuningdek, ushbu holatlarni qisqa muddatda tuzatish imkoniyati mavjud bo‘lmaganda taqrizchi magistrlik dissertatsiyasini himoyaga qo‘yish maqsadga muvofiq emasligi to‘g‘risida xulosa beradi.
Ichki va tashqi taqrizlar, ilmiy maslahatchi tayinlangan bo‘lsa, uning xulosasi dissertatsiyaning dastlabki himoya sanasidan kamida 3(uch) kun oldin yozma shaklda berilishi lozim. Magistrlik dissertatsiyasi talab darajasida rasmiylashtirilgan holda ilmiy rahbar xulosasi, ichki va tashqi taqrizlar bilan birgalikda mutaxassislik kafedrasiga topshiriladi.
Ilmiy ishlar bo‘yicha prorektor roziligi asosida chet tilida tayyorlangan magistrlik dissertatsiyasiga davlat tilida yozilgan 10-12 betlik annotatsiya ilova etiladi.


II. MAGISTRLIK DISSERTATSIYASINING DASTLABKI VA RASMIY HIMOYASI

O‘zbekiston Respublikasi oliy ta’lim muassasalarida magistrlar tayyorlashni tashkil etish “Magistratura to‘g‘risidagi Nizom”ning 1-ilovasida keltirilgan sxemaning VIII bosqichida magistrlik dissertatsiyasining dastlabki va rasmiy himoyasi (jadval asosida bosqichma-bosqich amalga oshirilishi) qat’iy belgilangan.

2.1. Magistrlik dissertatsiyasining dastlabki himoyasi

Magistrlik dissertatsiyasining dastlabki himoyasi ilmiy rahbar (ilmiy maslahatchi) ishtirokida kafedrada shakllantirilgan komissiya oldida amalga oshiriladi. Magistrlik dissertasiyasining dastlabki himoyasiga boshqa kafedralardan, shuningdek, kadrlar iste’molchilari bo‘lgan tashkilotlardan mutaxassislar taklif etilishi mumkin.

Dastlabki himoyaga qadar magistratura talabasi ichki va tashqi taqrizlar hamda ilmiy rahbar xulosasini olishi, shuningdek, magistrlik dissertatsiyasi mavzusiga doir ma’lumotlar yoritilgan kamida 2 (ikki) va undan ko‘p ilmiy maqola yoki tezisni chop etgan bo‘lishi kerak.
Magistrlik dissertatsiyasining dastlabki himoyasi bosqichma-bosqich (masalan boblar kesimida) magistratura talabasining kalendar ish rejasiga muvofiq belgilangan muddatlarda o‘tkazilishi maqsadga muvofiqdir. Magistrlik dissertatsiyasining dastlabki himoyasi yakunida “rasmiy himoyaga tavsiya etildi” yoki “rasmiy himoyaga tavsiya etilmadi” tarzidagi yakuniy xulosa kafedra yig‘ilishi bayonnomasi bilan rasmiylashtiriladi.
Magistrlik dissertatsiyasi himoyasi oldidan taqdim etiladigan hujjatlar (9-ilova) talab darajasida rasmiylashtirilganligini tegishli mutaxassislik kafedrasi muxokama etadi va maxsus jildda YAkuniy Davlat attestatsiya komissiyasiga taqdim etilishini ta’minlaydi.