O’quv uslubiy majmua bilim sohasi: 300000 – Ijtimoiy fanlar, jurnalistika va axborot Ta’lim sohasi: 3

Xo’jalik mexanizmi – iqtisodiyotni boshqarishga yordam beradigan iqtisodiy dastak va rag’batlar hamda tashkiliy shakllar majmui va birligi. Xo’jalik mexanizmi rejalashtirish, boshqaruv usullari, baholar, moliyaviy va kredit dastaklari, mehnatga haq to’lash shakllari va boshqa iqtisodiy rag’batlarni o’z ichiga oladi.
Xejir – bu baho bo’yicha tavakkalchilik sug’urtasi, f’yuchers shartnomasi.
Qaror – bu bajarilishi mumkin bo’lgan ishning aniq yo’lini tanlab olishdir.
Yetakchilik – boshqaruvi o’zaro hamkorlikning, hukmronlikning har xil manbaalarini samaraliroq birlashishiga asoslangan va odamlarni umumiy maqsadlarga erishishga undashga qaratilgan o’ziga xos odob.
Menejer - doimiy ravishda boshqaruv lavozimini egallab turuvchi va bozor sharoitlarida faoliyat yurituvchi tashkilot faoliyatining ayrim turlari bo’yicha qaror qabul qilish vakolati berilgan shaxs. Menejerlar tashkilotda har xil o’rinlarni egallaydilar (direktor, guruh rahbari, ishlarning ma’lum turining tashkilotchisi, boshliq, mudir va h. k.), butunlay bir xilda bo’lmagan masalalarni hal qiladilar, har xil vazifalarni bajaradilar.
Menejerni o’zini o’zi nazorat qilishi – menejerni o’z faoliyati natijalari ustidan nazorat qilishi, shu tufayli mehnat jarayoni yaxshilanadi, qo’yilan maqsadga erishildimi yoki yo’qlgii tekshiriladi, hamda kerakli tuzatishlar kiritiladi.
Menejment – bu ishlab chiqarish yoki tijoratni boshqarish; ishlab chiqarishning samaradorligini oshirish va foydani ko’paytirish maqsadida ishlab chiqilgan va qo’llaniladigan boshqaruv tomoyillari, usullari, vositalari va shakllarining majmuasidir.
Mexanik tashkilot – quyidagilar bilan ta’riflanadi: egiluvchan bo’lmagan tuzilma, standartlashtirilgan barqaror vazifalar, o’zgarishlarga qarshilik, nazoratning ierarxik tizimi, kommunikatsiyalarning buyruqli turi bilan.
Mehnat jamoasi – xodimlarni birgalikda mehnat faoliyatini amalga oshiruvchi birlashmasi.
Nizo (janjal) – bu ikkita yoki ko’proq tomonlar, ya’ni aniq shaxslar yoki guruhlar o’rtasidagi ziddiyat bo’lib, bundan har bir tomon o’zining nuqtai nazari yoki maqsadi qabul qilinishiga harakat qiladi va boshqa tomonni shunday qilishiga halaqit qiladi.