O’quv uslubiy majmua bilim sohasi: 300000 – Ijtimoiy fanlar, jurnalistika va axborot Ta’lim sohasi: 3

Boshqaruv sub’ekti - boshqaruv tizimining boshqaruv ob’ektiga ta’sir ko’rsatish manbai bo’lgan bo’g’ini yoki qismi. Boshqaruv su’ekti sifatida firmaning bo’limlari va xizmatlari majmuasini yoki alohida bo’linma, yakka shaxs va boshqalarni ko’rib chiqish mumkin. Boshqaruv su’ektini ajratish boshqariladigan ijtimoiy-iktisodiy tizimning ko’lamlari va undagi boshqaruv tizimini ta’riflovchi aloqalar bilan cheklangandir.
Boshqaruv tamoyillari –boshqaruv sub’ektlari aniq ob’ektlarni boshqarish jarayonida amal qilishlari kerak bo’lgan ob’ektiv qonunlardan kelib chiquvchi asosiy qoidalar.
Boshqaruv tizimi–1.Odamlarni birgalikdagi faoliyatini muvo-fiqlashtirish uchun zarur harakatlar yig’indisi. 2. Boshqaruvni amalga oshiruvchi bo’g’inlar va ular o’rtasidagi aloqalarning yig’indisi.
Boshqaruv usuli - bu rahbar tomonidan foydalanadigan vazifalarni hal qilishning eng xarakterli va barqaror usullarining yig’indisi, uning qo’li ostidagilarga nisbatan odati. Tashkilotlarni strategik boshqarish- inson salohiyatiga suyanuvchi, ishlab chiqarish faoliyatini iste’molchilar so’rovlariga qaratuvchi, tashkilotda atrofdagilar tomonidan qarshiliklarga javob qaytaruvchi va raqobot afzalliklariga erishishga imkon beruvchi epchillik bilan tartibga solishlar va o’z vaqtilagi o’zgarishlarni amalga oshiruvchi boshqaruv bo’lib, u tashkilotni omon qolishi va istiqbolda maqsadlariga erishishga imkon beradi.
Boshqaruv usullari– bu boshqaruvchi tizimcha– boshqaruv sub’ektini boshqariluvchi tizimcha– boshqaruv ob’ektiga qo’yilgan maqsadlarga erishish uchun ta’sir ko’rsatish usullaridir. Boshqaruv usullarini ijtimoy ishlab chiqarishga xos bo’lgan ob’ektiv qonunlar asosida, birgalikdagi mehnat jarayonida vujudga keladigan munosabatlarning o’ziga xosligini hisobga olish bilan tasniflash eng katta ahamiyatga egadir. Ushbu alomat bo’yicha ma’muriy, iqtisodiy va ijtimoiy-psixologik usullar ajratiladi.
Boshqaruv qarori – bu harakatlarning ma’lum variantini topish, faoliyat jarayonining o’zi, uning yakuniy natijasi.