O’quv-uslubiy bo’lim tоmоnidаn ro’yхаtgа оlingаn

6-topshiriq. Hikmatlarni o‘qing va mazmunini tushuntiring.

Odamlar o‘rgangan, odatlangan va ko‘pchilikka ma’qul bo‘lgan narsaga ko‘r-ko‘rona qarshilik ko‘rsatma.

Tenglik hukm surgan joyda sotqin, aldamchi ehtiroslar, g‘am-g‘ussa

bo‘lmaydi.

Bilim - qaytarish va takrorlash mevasidir.

Ehson qilgan kishining minnati ehsonini yo‘qqa chiqaradi.

Yaxshi bilmagan narsasiga uringan kishi sharmanda bo‘ladi.

Bilmaganligimiz sababli bilgan narsalarimizni aytmay qo‘yishimiz ham yaxshi

emas.

Har bir insonning qadr-qiymati o‘z ishini qoyil qilib bajarishida.

Yer dumaloq bo‘lmaganda, odamlar yashaydigan joylar kengligi jug‘rofiy

mintaqalarga ajralmas edi, yozu qishda kecha bilan kunduz uzunligi o‘zgarmas edi,

yoritgichlarning ufqqa nisbatan vaziyatlari va sutkali yo‘llari hozirgidek ko‘rinishda bo‘lmas edi.

Delfin - dengiz hayvoni bo‘lib, damlangan teriga o‘xshaydi. U odamni sevadi,

kemalarni kuzatadi, g‘arq bo‘lganlarni o‘lik-tirikligidan qat’i nazar qutqaradi.

Inson hayotidagi zarurat, ehtiyojlar ularning ilmlarga bo‘lgan talablarini

keltirib chiqaradi. Shu ehtiyojlarga ko‘ra ilmlar har xil tarmoqlarga bo‘lindi.

Ilmlarning foydasi ochko‘zlik bilan oltin-kumush to‘plash uchun bo‘lmay, balki u

orqali inson uchun zarur narsalarga ega bo‘lishdir.
6-MAVZU. O‘zbek adabiy tilida chiziqcha bilan yozish.

«Qishloq xojaligining ahamiyati»

Chiziqcha bilan yozish.  

1.  Juft so‘z va takror so‘z qismlari chiziqcha bilan yoziladi: el-yurt, omon-
eson, kecha-kunduz, yozin-qishin, asta-sekin, uch-to‘rt, o‘n-o‘n beshta (10-15ta), 
bilinar-bilinmas, bordi-keldi, kuydi-pishdi, don-dun, oz-moz, mayda-chuyda, 
aldab-suldab, o‘ylab-netib, so‘ramay-netmay, kiyim-kechak, adi-badi, ikir-chikir, 
duk-duk, taq-tuq, qop-qop, ming-ming(ming-minglab),bitta-bitta(bitta-bittalab), 
baland-baland, chopa-chopa, ishlay-ishlay, yaqin-yaqinlargacha, hamma-hammasi, 
uy-uyiga, ich-ichidan kabi.