O‘quv qo‘llanma 5111800 Maktabgacha ta’lim bakalavriat ta’lim yo‘nalishi talabalari uchun Toshkent 2019 Annotatsiya

Harakatli o‘yinchoqlarni biriktirish usullari.
Quvnoq raqqoslar. Raqqoslar kartondan tayyorlanadi. Oyoq, qo‘llari aloxida qirqiladi. Ba’zan oyoq va qo‘llar harakat ko‘proq bo‘lishi uchun ikki qismdan iborat bo‘ladi, tanani bosh bilan birga qirqib olinadi. So‘ngra unga oyoq va qo‘l o‘rnatiladi, figura orqasidan ingichka, biroq pishiq sim bilan bog‘lanadi. Bu bilan raqqos ushlab turiladi. Raqqoslar shodligi uchun maxsus sahna-orqa devorida ingichka yotiq teshikli estrada kerak. Sahna kartondan tayyorlanib, stolcha mixtugma bilan mustahkamlanadi. Yon tomonlariga keng shitlar qo‘yiladi. Shitlar orqasiga shakllar qo‘yilib, teshik orqali sim o‘tkaziladi va raqqosni saxnadagi raqs harakati bilan boshqariladi.
Harakatlanuvchi figuralar-dergulchiklar ham shu prinsipda tayyorlandi, faqat orqa tomonda qo‘l va oyoqlar juftlab o‘zaro yondosh tarzda tik ip bilan birlashtirilgan, uni pastki tortilganda qo‘l va oyoqlar yuqoriga harakatlanadi va oyoqlar oldingi holatiga qaytadi. Ayrim detallar o‘zaro, qo‘l va oyoqlar tanaga ikki xil usulda tayyorlanuvchi sharnirlar bilan biriktiriladi. Sharnirlar simdan tayyorlanadi. Bir detalni ikkinchisi bilan ko‘rsatilgan joyda biriktirib, bigiz bilan ingichka sim va nina sig‘adigan teshik teshiladi. Ninaga avval figuraning bir tomonidan, so‘ngra ikkinchi tomonidan sim o‘raladi, natijada prujina hosil bo‘ladi (simni ko‘p o‘ramaslik kerak). Prujina ikki tomondan siqiladi, bunday sharnirdagi detallar yaxshi harakat qiladi. Prujina ustiga qog‘oz yopishtiriladi. Sharnirlarni yo‘g‘on ip va gugurt cho‘pi yordamida ham qilish mumkin, biroq uzoq chidamay uzilib ketadi, shuning uchun ularni ma’lum vaqtdan keyin almashtirish kerak bo‘ladi. Yassi klapan biriktirish bilan qiziqarli o‘yinchoqlar yasash mumkin.
Harakatli «Ayiqcha» o‘yinchog‘ini qismlarini biriktirish sxemasi

Quyida sizga harakatlanadigan o‘yinchoqlarni yasalish yo‘lini ko‘rsatuvchi namunalarni beramiz. Bunday o‘yinchoqlarni yana qanday usuldabajarish mumkinligi haqida o‘ylab ko‘ring.