O’quv materiallari

Madaniyat va aholi dam olish markazining namunaviy

U S T A V I

I. Umumiy qoidalar

1. Madaniyat va aholi dam olish markazi (bundan buyon matnda “Markaz” deb ataladi) О‘zbekiston Respublikasi Vazirlar Mahkamasining 2013 yil 25 iyundagi “2013-2018 yillarda zamonaviy madaniyat va aholi dam olish markazlarini tashkil etish chora-tadbirlari tо‘g‘risida”gi 178-son qaroriga asosan О‘zbekiston Respublikasi Madaniyat va sport ishlari vazirligi tizimida tashkil etilgan.

2. Aholining madaniy ehtiyojlarini о‘rganish hamda madaniy-ma’rifiy va kо‘ngilochar xususiyatga ega bо‘lgan xilma-xil xizmatlar kо‘rsatish, havaskorlik, badiiy ijod va amaliy san’at bilan shug‘ullanuvchilar uchun shart-sharoitlar yaratish Markazning asosiy faoliyati hisoblanadi.

3. Markaz о‘z faoliyatida О‘zbekiston Respublikasi Konstitusiyasi va qonunlariga, О‘zbekiston Respublikasi Oliy Majlisi qarorlariga, О‘zbekiston Respublikasi Prezidenti farmonlari va farmoyishlariga, Vazirlar Mahkamasining qarorlari va farmoyishlariga, Madaniyat va sport ishlari vazirining buyruqlari hamda ushbu Ustavga amal qiladi.

4. Markaz davlat muassasasi shaklidagi, turli yо‘nalishlar, shakllar, turlar va janrlardagi madaniy-ijodiy, ma’rifiy va dam olish faoliyatini qо‘llab-quvvatlash va rivojlantirishni ta’minlaydigan yuridik shaxs hisoblanadi.

5. Markaz mustaqil balansiga, bank muassasalarida joriy va boshqa hisob raqamlariga, О‘zbekiston Respublikasining gerbi tasviri tushirilgan hamda nomi kо‘rsatilgan dumaloq muhri va tо‘rt burchakli shtampiga, shuningdek ish qog‘ozlariga ega bо‘ladi.

6. Markazning yuridik tо‘liq nomi:

О‘zbek tilida - Madaniyat va aholi dam olish markazi.

Rus tilida – Sentr kulturi i dosuga naseleniY.

7. Markazning joylashishi (pochta manzili): 100011, О‘zbekiston Respublikasi, Toshkent shahri, ------------- tumani ----------- kо‘chasi, ---uy.

8. Mazkur Markaz – xizmat kо‘rsatadigan aholi soni 40 ming nafardan ortiq bо‘lganligi va 400 о‘rindiqli tomosha zaliga ega bо‘lganligi hamda _______ shahri (tumani)ning ma’muriy markazida joylashganligi sababli I tipda faoliyat olib boradi (ushbu band markazning tegishli tipiga qarab о‘zgartiriladi).