O`quv mashqlariga fvdt hududiy quyi tizimi organlari rahbarlar tarkibi hamda ularning kuch va vositalari, iqtisodiyot ob'yеktlari, o`quv muassasalari, ommaviy axborot vositalari jalb etildilar

O‘quv mashqlarining maqsadlari etib quyidagilar belgilandi:
tuman aloqa va markazlashtirilgan xabar berish tizimini ishonchli va barqaror ishlashini amalda tekshirish;
tuman FVDT quyi tizimining boshqaruv organlari, kuch va vositalarini favqulodda vaziyatlar sodir bo‘lganda funksional vazifalarini bajarish darajasini aniqlash;
tuman FVDqT funksional va hududiy quyi tizimlari boshqaruv organlari faoliyatini hamda kuch va vositalarining shayligini takomillashtirish, aholini favqulodda vaziyatlarda to‘g‘ri harakat qilishga o‘rgatish;
favqulodda vaziyatlar sodir bo‘lgan hududdan jabrlangan aholini evakuatsiya qilish, tibbiy yordam ko‘rsatish, ularning hayot maromini ta’minlovchi zaruriy shart-sharoitlarni yaratish, shuningdek, qutqaruv va boshqa kechiktirib bo‘lmaydigan ishlarni olib borishda moddiy-texnik ta’minot masalalarini hal etish;
yuzaga kelishi mumkin bo‘lgan tabiiy va texnogen xususiyatli favqulodda vaziyatlar oqibatlarini bartaraf etishda FVDT xizmatlarining hamkorlikdagi harakatlarini takomillashtirish hamda muvofiqlashtirish.
O‘quv mashqlarini o‘tkazish davomida tumanda aloqa va markazlashtirilgan xabar berish xizmatlari tomonidan boshqaruv organlari, FVDT xizmatlariga xabar berish hamda aholini ogohlantirish bo‘yicha harakatlari, favqulodda vaziyatlarni bartaraf etish uchun mo‘ljallangan kuch va vositalarning hamkorlikdagi harakatlari;
maktabgacha ta’lim va o‘rta ta’lim mussasalarida hamda ish bilan band bo‘lmagan aholini favqulodda vaziyatlarda to‘g‘ri harakat qilish borasidagi bilim va ko‘nikmalarini oshirish bo‘yicha nazariy va amaliy tadbirlar o‘tkazilib, ijtimoiy va iqtisodiyot obyektlarda maxsus-taktik o‘quv mashqlari, maktabgacha ta’lim muassasalarida, hamda umumta’lim maktablarida tarbiyalanuvchi va o‘quvchilar ishtirokida “Fuqaro muhofazasi kunlari” o‘tkazildi.
Eslatib o`tamiz qo`mondonlik-shtab o`quv mashqlari joriy yilning 23 fevralgacha davom etadi.
Ichki ishlar organlaridagi kuch va vositalar zimmasiga yuklatilgan vazifalarni bajarishda xodimlarning jangovar tayyorgarligini oshirish, hududiy mudofaani ta'minlash, jinoyatlar va huquqbuzarliklarni oldini olish, fuqarolar xavfsizligi va jamoat tartibini saqlashni tashkillashtirish maqsadida, shu kunlarda qo‘mondonlik-shtab va maxsus-taktik o‘quv mashqlari Toshkent, Namangan, Samarqand viloyatlarida o‘tkazildi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.
Qayd etilishicha, bunda avtoulovlarni olib qochib o‘g‘irlik, haydovchilarga va inkassatorlarga nisbatan hujum qilib bosqinchilik sodir etgan shaxslarni qidirish va ushlash bo‘yicha izlov-to‘siq tadbirlari, jinoyatchilarni qo‘lga olish va ularni zararsizlantirish hamda ular tomonidan garovga olinganlarni ozod qilish tadbirlari, ommaviy tartibbuzarliklarni oldini olish va bartaraf etish bo‘yicha tadbirlar mashq qilindi.
Mashqlarda asosiy e'tibor ichki ishlar boshqaruv organlari va shaxsiy tarkibning o‘zaro hamkorligini tashkil qilishga, to‘plangan tajribani mustahkamlashga, maxsus-tezkor rejalarda nazarda tutilgan vazifalarni bajarish metodikasi va turli modellarni o‘zlashtirishga, mintaqamiz sharoitida maxsus jangovar operatsiyalar o‘tkazish tajribasini oshirishga, bunday operatsiyalar o‘tkazish bo‘yicha asosiy prinsiplar va metodlarga oid bilimlarni takomillashtirishga, rahbarlar tarkibida ekstremal va murakkab sharoitlarda zudlik bilan to‘g‘ri qarorlar qabul qilish ko‘nikmalarini hosil qilishiga qaratildi.