O’quv mashg’ulotining ta'lim texnologiyasi modeli

Mehnat va aholini ijtimoiy muhofaza qilish vazirligi qaramog'idagi bandlik xizmati

vositachilik faoliyatini olib boradi va shu sababli, ma'muriy-huquqiy vakolatlarga ega emas.

Biroq, «Aholini ish bilan ta'minlash to'g'risida»gi Qonunga ko'ra ular o'z hududida joylashgan

korxona va tashkilotlarga ijtimoiy himoyaga muhtoj tabaqalar (yoshlar, ayollar, nogironlar va

h.k.)dan bo'lgan fuqarolar uchun qo'shimcha ish joylari ajratish (kvotalash) yuzasidan majburiy

ko'rsatmalar berishi, bu ko'rsatmalar bajarilmaganida esa tegishli moliyaviy jazo choralarini

qo'llashi mumkin.

Yuqorida ta'kidlanganidek, ijtimoiy zaif qatlamlardan bo'lgan fuqarolarni ishga joylashtirishda

(yoshlar, homilador va yosh bolali ayollar, nogironlar, jazo muddatini o'tab ozodlikka

chiqarilgan fuqarolar, xizmatdan bo'shatilgan harbiy xizmatchilar va boshqalar) ko'pgina

imtiyozlar nazarda tutilgan va ularni ishga joylashtirish bir qator o'ziga xos xususiyatlarga

ega.

Mamlakatimizda iqtisodiy faol aholi sonining tez sur'atlar bilan, har yili o'rtacha 280000

kishiga ortib borayotganligi tufayli bandlik va ish bilan ta'minlash sohasidagi davlat

siyosatini muntazam takomillashtirish, qo'shimcha ish joylari barpo etishga qaratilgan tadbirlarni

amalga oshira borish hayotiy zaruratga aylangandir.

Aholini ish bilan ta'minlashning muhim yo'nalishlaridan biri – yurtimizda xususiy

tadbirkorlikni rivojlantirish, uning iqtisodiy, tashkiliy, huquqiy bazasini mustahkamlashdan

iborat. Shuni aytish kifoyaki, mamlakatimizda xususiy tadbirkorlikni har tomonlama qo'llab-

quvvatlanishi, kichik va xususiy biznes uchun keng huquqiy imkoniyatlar yaratilishi natijasida

keyingi bir necha yil davomida 700 mingdan ko'proq kishi ish bilan hamda turmush kechirish manbai

bilan qo'shimcha ravishda ta'minlandilar.

3-ilova

1. O'zbekistonda aholini ish bilan ta'minlash sohasidagi davlat siyosati va ning huquqiy

mohiyati

2. Fuqarolarning mehnat qilish huquqi va uning konstitutsiyaviy kafolatlari

3. Vaqtincha ishsiz shaxslarga davlat tomonidan beriladigan ijtimoiy-iqtisodiy

kafolatlar va uning huquqiy jihatdan ta'minlanishi

4. Ishsiz shaxs tushunchasi va uning huquqiy maqomi

5. Ishsizlik nafaqasi tushunchasi

6. Fuqarolarning ijtimoiy zaif qatlamlarini ish bilan ta'minlash sohasidagi qo'shimcha

davlat kafolatlari

7. Aholini ish bilan ta'minlash to'g'risidagi qonunchilikning bajarilishi va uni buzganlik

uchun javobgarlik