O’quv laboratoriyasiga ajratilgan barcha jihozlarni tartib bilan raqamlash( inventor) zarur

1	Ta’lim muassasasi rahbarining buyrug’I bilan har bir fan laboratoriya xonasi uchun olingan mebel, jihozlarning saqlanishi, ulardan foydalanish fan o’qituvchisi, laborant javobgar etib tayinlanadi.
2	O’quv –labotoriya xonasi bo’yicha belgilangan me’yoriy hujjatlarga asosan umumta’lim maktabiga yetkazib berilgan hamda mavjud barcha asbob jihozlar ichki buyrug’I bilan kirim-chiqim dalolatnomasi asosida qabul qilib olinadi.
3	Ta’lim muassasasining buyrug’I bilan o’qituvchi va laborant fan bo’yicha belgilangan mazkur o’quv laboratoriya xonasini to’g’ri jihozlash, uni saqlash samarali foydalanish, hamda yaroqsiz holga kelgan, tugaganlarining o’rnini qayta to’ldirishga mas’uldir.
4	O’quv laboratoriyasiga ajratilgan barcha jihozlarni tartib bilan raqamlash( inventor) zarur.
5	O’qituvchi va laborant o’quv – laboratoriya xonasi uchun ajratilgan asbob-uskunalarni texnik passport asosida doimiy ishchi holatida bo’lishini ta’minlaydi
6	O’qituvchi va o’quvchilar amaliy laboratoriya mashg’ulotlarini bajarish jarayonida oq yoki ko’k xalatda bo’lishi talab etiladi.
7	Laborant o’quv laboratoriya xonasida xalatsiz yurishi va o’qituvchining amaliy mashg’ulotlarini xalatsiz o’tkazishi qatiyan man etiladi.
8	Jihozlar, o’quv laboratoriya asbob-uskunalari, kimyoviy moddalar nomlari yozilgan ma’lumotlar daftarini tutadi, va unga sinf xonasidagi barcha jihozlarning nomlarini inventor raqamlar bilan mos holda tartib bilan yozadi va nazorat olib boradi.
9	Texnika xavfsizligi qoidalariga javobgarligi o’quvchilar bilan mashg’ulot olib borayotgan o’qituvchi va laborant zimmasida bo’ladi.O’quvchilarni texnika xavfsizligi qoidalari bilan tanishtirib ularni imzolarini olishlari shart.
10	O’qituvchi tajriba va namoyishlar, laboratoriya ishlarini bajarishdan oldin, o’quvchilarni tajribani o’tkazish tartibi bilan tanishtiradi.
11	O’quv-laboratoriya xonasida o’tkaziladigan tajriba namoyish va laboratoriya ishlari faqat fan o’qituvchisi, laborant yoki to’garak rahbarining ishtirokida o’tkaziladi.
12	Hat haftada fan o’qituvchisi va laborant o’quv –laboratoriya xonasidagi mavjud jihozlarni, ko’zdan kechiradi, va nosoz holga kelib qolgan jihozlar, ishlatish muddati tugaganini o’rnini to’ldirish bo’yicha, maktabning xo’jalik ishlari bo’yicha direktor o’rinbosariga dalolatnoma asosida yozma ravishda ma’lumotnoma taqdim etib boradi.
13	O’qituvchi tomonidan laborant taqvimiy mavzu reja asosida tashkil etiladigan har bir darsga kerakli jihozlar, asbob-uskunalar va kimyoviy moddalar ro’yxatini, nomma-nom yozma ravishda beradi.
14	Laborant dars jarayonida foydaniladigan jihozlar,asbob-uskunalar va kimyoviy moddalarni ro’yxat asosida tayyorlaydi.
15	Mashg’ulot tugagandan so’ng laborant tomonidan sinf xonasi va laboratoriya-asbob-uskunalari tartibga solinadi, shisha idishlar belgilangan talablar asosida yuviladi, quritiladi.
16	Fan o’qituvchisi va laborant elektr tokini ishlatishda texnikaviy xavfsizlik qoidalariga amal qilish va baxtsizlik hodisalariga birinchi tibbiy yordam ko’rsatishni bilishi zarur.

BIOLOGIYA O’QUV LABORATORIYA XONASIGA MAS’UL

O’QITUVCHI VA LABORANTGA QO’YILGAN TALABLAR.