O‘quv – uslubiy majmua

Open Source Software (erkin, bepul tarqatiladigan mahsulot va birlamchi kodlari ochiq) – mutlaqo bepul dasturiy ta’minot. Foydalanuvchi bu kabi DTni tekin ishlatish bilan birga o’z imkoniyatlari va ehtiyojiga moslab o’zgartirishi mumkin. Operatsion sistema tushunchasi

Operatsion sistema (qisq. OS) (ingl. operating system, OS) — boshqarish va ma’lumotlarni qayta ishlovchi dasturlar tizimi. Bunda, bir tomondan, OS kompyuter qurilmalari va amaliy dasturlar o’rtasida interfeys (o’zaro muloqot) vazifasini bajarsa, ikkinchi tomondan — qurilmalarni va hisoblash jarayonlarini boshqarish vazifalarini bajaradi.
Operatsion sistemalarning rivojlanish tarixi 30 yildan oshib ketgan va bugungi kunga kelib ularning soni 100 dan oshiqni tashkil etadi. Ularga quyidagi eng keng tarqalgan OSlar misol bo’la oladi: MS DOS, PRO DOS, OS/2, FreeBSD, MICROSOFT WINDOWS, UNIX, LINUX, MAC OS.
Microsoft Windows (ingl. windows — oynalar) — Microsoft korporatsiyasining grafik interfeysli OS hisoblanadi. Netmarketshare (Net Applications)ning ma’lumotlariga ko’ra 2011 yil dekabr oyi holati bo’yicha dunyodagi 92% shaxsiy kompyuterlar Windows OSlari boshqaruvi asosida ishlaydi.
O’zbekiston Respublikasi umumiy o’rta ta’lim maktablarida mavjud kompyuter sinflarining aksariyatida Microsoft Windows XP va Windows Vista OSlari o’rnatilgan. Lekin, bugungi kunga kelib aksariyat ishlab chiqarilayotgan shaxsiy kompyuterlarga Windows OSlar oilasiga mansub eng oxirgi versiyasi – Windows 7 o’rnatilmoqda.
3-mavzu.Informatika va axborot texnologiyalaridan amaliy-laboratoriya mashg’ulotlarini o’tkazish metodikasi (2 soat seminar).

Darsning maqsadi		Tinglovchilarga Umumiy o’rta ta’lim maktablarida informatika va axborot texnologiyalari kurslari bo’yicha amaliylaboratoriya mashg’ulotlarining maqsad va vazifalari, mazmuni va o’tkazish metodikasi haqida bilim berish va ko`nikmalarini rivojlantirish, mustahkamlash.