O‘quv – uslubiy majmua

Quyidagi ko’nikmalarni egallashlari zarur: kompyuterni elektr manbayiga to’g’ri ulash va o’chirish; klaviatura va sichqoncha bilan ishlash ko’nikmalarini hosil qilish; sichqoncha bilan ishlash jarayonida Windows muhitiga ilk qadam qo’yish: fikrlashni rivojlantirishga va kompyuter qurilmalari (klaviatura, sichqoncha) bilan ishlash ko’nikmalarini chuqurlashtirishga yo’naltirilgan kompyuter o’yinlari orqali o’quvchilarning mantiqiy fikrlash qobiliyatini shakllantirish.
Quyidagi malakalarga ega bo’lishlari lozim: grafik muharrirda sodda rasmlar hosil qilish; Windows oynasi ustida amallar bajarish; sichqonchadan foydalanib kompyuter o’yinlarini ishlata olish.

6-sinf

1. Hujjatlarni qayta ishlash texnologiyalari
O’quvchilar quyidagi bilimlarga ega bo’lishlari zarur: matn muharriri va uning vazifalari. Matn muharriri, matn protsessori, hujjat, formatlangan matnli hujjatlar, ishchi maydon, yurgich, menyu, belgi, so’z, satr, abzas, matn, blok. Matndagi belgilarning shrifti, rangi va ko’rinishini o’zgartirish. Hujjatlarda rasmlar va shakllar, chizmalar bilan ishlashga oid usullari. Hujjatga matematik formulalarni joylashtira olish. Hujjatni chop etish usullari.
Quyidagi ko’nikmalarni egallashlari zarur: matn muharriridan foydalana olish. Hujjatlarni vujudga keltira olish, matnni terish, tahrirlash va bosib chiqarish, tayyor matnli faylni yozib qo’yish yoki o’qib olish, matn ichiga zarur obektlarni joylashtirish.
Quyidagi malakalarga ega bo’lishlari lozim: Matn muharriridan foydalanib hujjat tayyorlash. 7-sinf
1.Axborot.
O’quvchilar quyidagi bilimlarga ega bo’lishlari zarur: Axborot va u bilan bajariladigan jarayonlar haqida yetarlicha tasavvurga ega bo’lish. Axborot turlari va xususiyatlarini bilish. Axborotlar bilan ishlashga oid buyuk yurtdoshlarimizning qarashlari va bu sohadagi ishlari haqida ma’lumotlarga ega bo’lish. Axborot bilan ishlashga aloqador vositalar haqida tasavvurga ega bo’lish. Axborot miqdori va uzatish tezligining o’lchov birliklarini bilish. Axborot tarmoqlari haqida tasavvurga ega bo’lish. Jamiyatimizda axborotlashtirishga oid qabul qilingan qonunlar mohiyatini va ahamiyatini tushunish. Ma’lumotlarni kompyuterda tasvirlanishi va kodlash haqida tasavvurga ega bo’lish.