O‘qituvchilarning eng muhim vazifasi yosh avlodga

2- Mavzu: Maktabgacha ta’im tashkilotida interfaol usullarni qo`llash.

Reja:
1.Interfaol metodlarni mashg’ulot maqsadiga muvofiq tanlash

2. Darsni interfaol metodlarda tashkil etishning afzalliklari.
3. Didaktik o’yinlarni amalda qo’llash shart-sharoitlari.
"Biz farzandlarimizning nafaqat jismoniy va ma'naviy sog'lom o'sishi, balki ularning eng zamonaviy intellektual bilimlarga ega boigan, uyg'un rivojlangan insonlar bo'lib, XXI asr talablariga to'liq javob beradigan barkamol avlod bo'lib voyaga etishi uchun zarur barcha imkoniyat va sharoitlarni yaratishni o'z oldimizga maqsad qilib qo'yamiz". Bu maqsadni amalgam oshirish uchun yangi pedagogik texnologiyalar va ularni joriy qilishning o'rni beqiyosdir. O'tgan davr mobaynida ushbu yo'nalishda qator ishlar amalga oshirildi. Jumladan, uzluksiz ta'lim tizimidagi umumiy o'rta ta'lim, o'rta-maxsus, kasb-hunar ta'limi va ta'lim muassasalari turlari bo'yicha davlat ta'lim standartlari ishlab chiqildi. Hamda mazkur yo'nalishlarga doir ta'lim-tarbiyani amalga oshirish jarayonida yangi pedagogik texnologiyalardan foydalanish, uning ma'lum elementlarini joriy qilishga doir qator izlanishlarni o'tkazish borasida talaygina ishlar amalga oshirildi. Dunyoga mashhur YUNESKO tashkiloti maxsus anjumanlarida ham ta'lim taraqqiyoti ko'p jihatdan pedagogik texnologiya muammosining to'g'ri hal etilishi bilan bog'liq ekanlgini qayta-qayta qayd etilishi, hali bu yo'nalishda ko'pgina izlanishlar qilinishidan dalolat beradi. So'ngi yillarda Bolgariya, Vengriya, Pol'sha, Rossiya kabi rivojlangan mamlakatlar bilan bir qatorda respublikamizda ham ta'lim tizimiga pedagogik texnologiyani olib kirishga doir muammolar o'z yechimini topmoqda. Mashg'ulotlarni bir xil andoza va qabul qilingan an'ana asosida olib borishdan voz kechib tarbiyalanuvchi va o'qituvchining erkin va ijodkorona tarzda fikr-mulohaza yuritishi, usul va vositalarni qo'llash imkonlari amalda qo'llanilmoqda.
O'sib borayotgan avlodlar tarbiyasi juda jiddiy ish bo'lib, uning o'tkinchi narsalarga bog'liq etib qo'yish mumkin emas. Mustabidlik davrida mamlakatimizda ko'p vaqt insonni (sobiq) kommunistik g'oyalar ruhida tarbiyalashga oid pedagogik ko'rsatmalar ustun bo'lib kelgan, uning juda ta'sirligi, turli chaqiriqlarni hayotga tatbiq etish kabi maqsadiga qaramay, uni ilmiy deb bo'lmaydi, chunki bunday g'oyalarni tashkil etuvchi qoidalar inson tabiati va uning rivojlanishi haqidagi tizimini faqatgina fan o'rnatgan ob'yektiv asoslar va amaliyotda tasdiqlangan qoidalar yordamida rivojlantirish mumkin.
Pedagogik innovatsion jarayonlarni G'arbda 50 yillar oxirlaridan boshlab bizning mamlakatimizda keyingi 10 yillikdan boshlab olimlar maxsus o'rgana boshladilar. Jahon pedagogik jamoatchiligining qiziqishi maxsus innovatsion xizmat, nashriyot, jurnallar innovatsion maqolalar ko'rinishida bo'lyapti.


Interfaol metodlarni mashg`ulot maqsadiga muvofiq tanlash:
To`g`ri tanlangan metodlarni qo`llash mashg`ulotning qiziqarli va samarali bo`lishini ta`minlashi.O`quvchi o`zi o`rganishi kerak, aks holda unga hech kim hech narsani o`rgata olmaydi.O`qituvchi o`quvchilarga bilimlarni «kashf qilishga» yordam beradigan jarayonni tashkil qiladi.Bilim borliqdan ko`chirilgan nusxa emas, uni odam shakllantiradi.