„O‘qituvchi nashriyot-matbaa ijodiy uyi toshkent-2020

8-mavzu. TIL BIRLIKLARINI TANLASH IMKONIYATI

  

8.1-mashq.

 

Matn  bilan  tanishing.

 

Qadim  zamonda  Abdusalom  ismli  halol  inson  o‘tgan  ekan.  Uning 

yakka-yu  yagona  farzandi  bo‘lib,  dilbandini  juda  yaxshi  ko‘rar,  yer-u 

ko‘kka  ishonmas  ekan.  Kunlar,  yillar  o‘tib,  bola  pahlavon  yigit  bo‘libdi. 

Kunlarning  birida  u  otasiga  maslahat  solibdi:

–  Ey  ota,  endi  men  nima  kasb  qilay?

Otasi:

http://eduportal.uz

---

38

–  O‘g‘lim,  „Bo‘ynidan  bog‘langan  it  ovga  yaramas“,  degan  gap  bor. 

Endi  sen  bir  hunar  yoki  kasbni  tanla  va  shunga  mehr  qo‘y,  –  debdi.

Shunda  o‘g‘li:

–  Eng  yaxshi  kasb  o‘g‘rilik  bo‘lsa  kerak,  –  degan  ekan,  otasi:

–  Mayli,  o‘g‘lim,  o‘g‘rilik  bo‘lsa,  o‘g‘rilik-da.  Qo‘shnimizning  qo‘yini 

o‘g‘irlab  ko‘r-chi,  –  debdi. 

O‘g‘li  qo‘shni  xonadondagi  bitta  katta  qo‘chqorni  o‘g‘irlab  olib 

kelibdi.  Otasi  xursand  bo‘libdi  va: 

–  O‘g‘lim,  zo‘r  ish  qilding,  bir  hafta  uydan  chiqmay  shu  qo‘yni  maza 

qilib  yeymiz,  –  debdi. 

Xullas,  bir  hafta  astoydil  maishat  qilishibdi.  Qo‘yni  pishirib  yeb 

bo‘lishgach,  o‘zlarini  tarozida  tortishibdi.  O‘g‘il  bir  haftada  uch  kiloga 

ozibdi,  ota  esa  to‘rt  kiloga  semiribdi.  O‘g‘il  hayron  bo‘lgan  ekan,  otasi 

kulib  debdi:

–  Ey  nodon  o‘g‘il!  Bilib  qo‘y,  sen  o‘g‘irlagan  qo‘yning  pulini  men 

bir  kun  oldin  qo‘shniga  berib  qo‘yganman.  Shundan  men  semirdim. 

Ko‘rdingmi,  harom  luqmada  halovat  yo‘q,  yeganing  o‘zingga  yuqmaydi, 

shuning  uchun  halol  kasb  tanla.  Shunda  u  dunyoying  ham,  bu  dunyoying 

ham  obod  bo‘ladi.    (@onalar_kanali)