„O‘qituvchi nashriyot-matbaa ijodiy uyi toshkent-2020

II. Deyl Karnegi unga shunday ta’rif beradi:
„U hech qancha 
turmaydi, ko‘p narsaga qodir emas. U hadya qilingan odam boy bo‘ladi, 
hadya qilgan odam esa kambag‘allashib qolmaydi. Uning davomiyligi bir 
lahza, ammo xotiramizda abadiy qoladi. Uni sotib olish, so‘rab olish, 
o‘g‘irlab olish behuda. Chunki u chin dildan taqdim etilgandagina qadrli. 
„U“ nima?“ 
A. Ishonch. B. Nigoh. C. Tabassum. D. Diydor. 
6.6-mashq.
Essening asosiy xususiyatlarini tartib raqami bilan ajratgan 
holda yozib chiqing. Tinish belgilarining qo‘llanishiga e’tibor qarating
. 
Mustahkamlash uchun savol va topshiriqlar
1. Esseni murakkab janr deyish mumkin. Nega?
2. Esseni nega to‘laqonli ilmiy asar deb bo‘lmaydi?
3. „Ertalabgi xayollar“ xayoli“ badiasidan parchani o‘qing. Matnning 
mavzusi xususida munosabatingizni bildiring.
Adabiyotshunoslar oilasida tug‘ilganman. Esimni tanibmanki, uyda 
yozuvchi-shoirlarning ism-sharifi tilga olinadi, yozgan maqolasi-yu kimnidir 
„urgan-surgan“i muhokama qilinadi. G‘aybulla as-Salom, Najmiddin 
Komilov, Azim Suyun, Usmon Azim, Mahmud Sa’diylarning o‘zini 
tanimasam ham, ism-sharifini yoddan bilardim. Dadam ukam ikkimizni 
http://eduportal.uz

---

29
shahar aylantirishga olib chiqib, o‘zlari „O‘zbekiston adabiyoti va san’ati“ 
gazetasi tahririyatida soatlarcha qolib ketardilar. Biz esa Mahmud Sa’diy 
degan bir „qora shaxs“ni yomon ko‘rib tashqarida kutib o‘tirardik. 
Kuni kelib o‘zim ham ana shu ajoyib ustozga shogird tushdim. Bitiruv 
malakaviy ishimga ilmiy rahbarlik qildilar, keyin magistrlik ishimda ham 
maslahatlar oldim. Soatlab yonlarida o‘tirdim. (
Shohruxbek Olim
) 
Mustaqil bajarish uchun topshiriqlar
6.1-topshiriq.
Kichik esse yozing.
Bajarish tartibi:
1) yozishga arziydigan voqea yoki hodisani toping;
2) muhim jihatlarini eslang, dalillarni aniqlang;
3) hodisa ro‘y bergan vaqt, joyni ko‘rsating; qatnashchilarni qayd 
eting;
4) voqelikka munosabatingizni aniqlab oling;
5) tasvirlar ekansiz, voqeaga munosabatingizni ifodalashga e’tiborli 
bo‘ling.