Oqitiwshinin’ sabaqtag’I sheberligi

Eger millet óziniń kim ekenligin umıtsa, bul sol millet ushın úlken apatshılıq. Dúnyadaǵı jawšz hám basqınshı kúshler qaysı bir xalıq yaki mámleketti ózine qaram etip, boysındırmaqshı, onıń baylıqların iyelemekshi bolsa, aldı menen, onı quralsızlandırıwǵa, yaǵnıy eń ullı baylıǵı bolǵan milliy qádiriyatları, tariyxı hám ruwxıylıǵınan ayırıwǵa urınadı. Ózligin joǵaltqan millet bolsa, hámiyshe qullıqqa duwshar.

Óz xalqı hám jurtı táriyxın tereń biliw, onı tınım-sız úyreniw, ata-babalarınıń sawaplı islerin múnásip dawam ettirgen halda bay miyrasın qásterlep saqlaw, ótmishten sabaq shıǵarıw, tariyxta júz bergen waqıya-hádiyselerdi ádil bahalaw, olardıń aqıbetin tuwrı túsiniw aqılı pútin insan ómiriniń mazmunı esaplanadı. Insan óziniń tariyxiy ótmishine iye bolmastan turıp, ómirinde júz berip atırǵan sociallšq ózgerislerdiń mánisin túsinip jete almaydı, keleshegin tuwrı kóz aldına keltire almaydı. Sonıń ushın da jámiyettiń hár bir aǵzası óz ótmishin jaqsı bilse, bunday adamlar hár qıylı aǵımlar tásirine túsip qalmaydı. Tariyx sabaqları insandı saqlıqqa úyretedi, kúshin bekkemleydi. Ruwxıylıqtıń negizi hám mánis-mazmunın bel-gileytuǵın tiykarǵı qásiyetler, insannıń ruwxıy pákleniwi hám kewildiń tazariwi esaplanadı.