Operatsiya va bog’lov xonalari

Operatsion blokdagi asosiy xonalarning vazifasi:

Operatsiya xonasi va operatsiyadan oldingi xonaning jihozlanishi yuqonda

qayd qilingan edi. Operatsiya xonasiga kirish oldida joylashgan bunday xona

hamma operatsion bloklarda, hatto uchastka kasalxonasida ham bo'lishi shart.

Operatsiyadan oldingi xonada xirurg va operatsiya

hamshirasi qo'llarini yuvib, dezinfeksiya qilib operatsiyaga tayyorlanadi.

Ko'pincha undan asboblami sterilizatsiya qilishda ham foydalaniladi. Narkoz

operatsiya xonasida ham berilishi mumkin. Apparatxonaning to'g'ridan-to'g'ri

operatsiya xonasi bilan bog'liq bo'lishi mumkin emas. Ammo ular orasida

ikkiyoqlama aloqa bo'lib, bemorning asosiy ko'rsatkichlari yoritilgan tabloda o'z

aksini topishi mumkin.

Hozirgi paytda operatsiya uchun asboblar to'plami va miqdori shunchalik

ko'pki, ularni saqlash va foydalanish uchun maxsus xona ajratish talab qilinadi.

Asboblarning operatsiyadan oldingi xona, sterilizatsiya xonasi va hokazolarning

shkaflarida saqlanishini to'g'ri deb bo'lmaydi, chunki bu ulardan foydalanishni

qiyinlashtiradi. Ba'zi hollarda xona havosining namligi asboblarning buzilishiga

olib keladi. Asboblar ayrim qismlarga ajratilgan holda shisha shkaflarning

javonlariga terib qo'yiladi.

Operatsion blokning ishlab chiqarish xonalaridan ikkitasi alohida e'tiborni

talab qiladi: A. Avtoklav xonasi - choyshablar va bog'lov materiallari

sterilizatsiya qilinadigan joy. Operatsiya xonasiga xizmat qiladigan avtoklavlar

operatsion blokda joylanishi va katta operatsion hamshiraning bevosita nazorati

ostida ishlashi lozim. B. Sterilizatsiya qilish xonasi. Bu xonada asboblar uchun

sterilizatorlar bo'ladi va u issiqlik manbalari bilan ta'minlangan (elektr, gaz va

b.). U operatsiya xonasi yonida yoki ikkita operatsiya xonasi o'rtasida joylashgan

bo'lib, ular steril asboblami uzatish uchun qilingan tuynuklar yordamida

biriktiriladi.

Hozirgi kunda operatsiya xonalarini infeksiyadan saqlash uchun ularga

begona kishilarni (talabalar, vrachlar, kursantlar) qo'yish man qilinadi. Ular

televizor yoki oynali to'siq orqali operatsiyani kuzatadilar. Operatsiyada

qatnashuvchi kishilar (xirurg, uning yordamchisi, anesteziolog va hamshiralar)

qatliq sanitariya-gigiyenik nazorat ostida bo'ladilar. Sanpropusknikda qayta

kiyinish xonasi bo'lib, yechiladigan kiyim uchun alohida shkaflar va

xodimlarning operatsiya vaqtida kiyadigan maxsus kiyimlarini alishtirishlarl

uchun ko'chma pardalar bo'lishi kerak. Bunday xonaning yo'qligi operatsion

blokni rejalashtirishdagi katta kamchilik bo'lib, odatda aseptikaning qo'pol

buzilishiga olib keladi. Operatsiya xonasiga ko'chada yurilgan oyoq kiyimi bilan

kirish man qilinadi. Operatsion brigadaga bakteriya va suyuqlik kirmaydigan

qalin impregnatsiya qilingan paxtali ashyodan (legilen) tayyorlangan bakteritsid

kiyim beriladi. Operatsiya kiyimi faqat shu yerda ishlatiladi, shuning uchun

operatsiya kiyimining rangi boshqa kiyimlardan farq qilishi (masalan, yashil

rangda bo'lishi) kerak. Tibbiy qalpoq sochni bekitib turishi kerak. Burun, og'iz,

iyakni berkitib turadigan niqob filtr rolini bajaradi. Burun chekkalarini o'rab

turishi uchun niqobniig maxsus metallik moslamasi bo'ladi. Niqob to'rt yoki bundan ko'p

qavatli doka yoki paxta raatodan tayyorlanadi. Burun va og'izni berkitib

turadigan niqobdan tashqari, xodimlar hayot faoliyati davomidagi chiqindilarni

chiqarib tashlaydigan maxsus moslamalar ixtiro qilingan. Ayrim o'ta toza

operatsiyalarda (yurakni ko'chirib o'tkazish, yurakka klapanlar quyish)

operatsiya qiladigan jarrohlar va hamshiralar maxsus kiyim va shlyomlar

kiyishadi, ularning peshonalariga doimo yengil shabada kelib turadi. Nafas bilan

chiqarilayotgan havo va ter xodimlar yuzi va bo'ynidan vakuum nasoslar

yordamida tortilib, xonadan tashqariga uzatiladi. Shlemga operatsiya qiluvchilar

bilan gaplashish, aloqa qilish uchun moslama o'rnatilgan. Bu sistema ishonchli

aseptikani vujudga keltiradi.