Operatsion tizimlar «Informatika va Axborot texnologiyalari»

Eslatma (mulohaza). Ulanuvchi har ikkala kompyuterda ham Norton Commanderning aynan bir xil versiyasi bo‘lishi lozim. Masalan, 3.0 versiyasi 4.0 versiyasi bilan ulanmaydi.

Norton Commanderni boshqa kompyuterga jo‘natish.

Faraz qilingki, sizga fayllarni bir kompyuterdan ikkinchisiga ko‘chirib yozish kerak, ammo ulardan birida Norton Commander yo‘q. Odatda, Norton Commanderni disketalar orqali ham ko‘chirib yozish mumkin, ammo bu har vaqt ham yaxshi chiqavermaydi (masalan, agar bir kompyuter uch dyuymli disketalar bilan ishlasa, boshqasi 5 dyuymlilari bilan ishlaydi, ikkala tipli disketali kompyuterlar esa yaqin atrofda yo‘q bo‘lsa, shunday holat ro‘y berishi mumkin). Norton Commander 4.0 agar kompyuterlar ketma-ket joylashgan portlar orqali ulangan bo‘lsa, o‘zini-o‘zi boshqa kompyuterga jo‘natish (ko‘chirish) imkoniyati mavjud.

Norton Commanderni boshqa kompyuterga jo‘natish (o‘tkazish, ko‘chirish) uchun:

a) kompyuterlarni bir-biri bilan nol modemli kabel yoki bir juft sim bilan ulash (buni kompyuterlar yoqilib turgan paytda qilish lozim);

b) boshlang‘ich kompyuterda Norton Commanderda turib "F9+L” yoki "R" va undan so‘ng "K" tugmachalarini bosish;

s) ekranga chiqarilgan so‘rovda joriy kompyuter u orqali ulangan portni ko‘rsatish, "Master" rejimini tanlash, "Slave" yozuvini ajratish va "Enter" tugmachasini bosish;

d) chiqarilgan so‘rovda "bo‘sh joy" tugmachasini bosib turib, qabul qiluvchi kompyuter qaysi port orqali ulanishini tanlash;

e) DOS taklifiga javoban qabul qiluvchi kompyuterga boshlang‘ich kompyuterga chiqarilgan so‘rovda ko‘rsatilgan buyruqlarni kiritish;

f) boshlang‘ich kompyuterda "Ctrl+Enter" tugmachasini bosish mumkin.